Aımaqtar • 23 Maýsym, 2020

Aqmolada 161 bilim oshaǵyna jóndeý júrgizilýde

8 ret kórsetildi

Jazǵy maýsymda birqatar bilim oshaqtaryna jóndeý jumystary júrgizilip,  jańa oqý jylyna daıyndyq tııanaqtala túsýde. Jóndeý jumystaryna "Jumyspen qamtýdyń jol kartasy" jáne "Aýyl – el besigi" baǵdarlamalary aıasynda 10 mlrd teńge qarajat bólinip otyr, - dep jazady Egemen.kz

Kósh basyn Nur-Sultan qalasynyń irgesine burǵan halyqtyń kóbeıýine baılanysty Selınograd, Arshaly, Shortandy aýdandarynda mektep jetispeýshiligi oryn alýda. О́ńir mektepterin oqýshylar sanyna beıimdeý jáne negizgi ǵımaratqa qosymsha qurylys júrgizý – máseleni retke keltirýge baǵyttalǵan nátıjeli qadam. Osy maqsatqa "Jumyspen qamtýdyń jol kartasy - 2020" baǵdarlamasy aıasynda 8,8 mlrd teńge bólingen. Bul qarjyǵa óńirdegi 102 bilim berý mekemesine jóndeý júrgiziledi.   

"Bıyl oblys aýmaǵynda 161 joba boıynsha jóndeý jumystary júrgizilýde. Memleket tarapynan bilim salasyna aıryqsha zor qamqorlyq jasalyp otyr", deıdi oblystyq bilim basqarmasynyń basshysy Beıbit Júsipov.   

О́tken jyldarmen salystyrǵanda bilim oshaqtaryn jóndeý kólemi eki ese kóbeıgen. Máselen, ótken jyly óńirdegi 12 bilim oshaǵyna kúrdeli jóndeý jasalsa, bıyl 32 nysan túbegeıli jańǵyrtylady. О́zge 129 nysanda ǵımarattyń árleý jumystary, jylý qazandyqtaryn ornatý, shatyr almastyrý tárizdi aǵymdaǵy jóndeý jumystary atqarylýda.

"2020 jyly Atbasar aýdanynda "Jumyspen qamtýdyń jol kartasy" aıasynda 498 mln teńge bólindi. Bul qarjyǵa 2 kúrdeli jáne 6 aǵymdaǵy jóndeý jumystary jasalady", deıdi Atbasar aýdandyq bilim bóliminiń jetekshisi Natalıa Naımýshına.

Aqmola oblysynda 556 mektep bar. Nur-Sultan qalasynyń irgesindegi aýdandarda oryn  jetispese, shalǵaıdaǵy shaǵyn aýyldardaǵy tıptik jobamen salynǵan ǵımarattarda oqıtyn bala sany az. Ol jerlerde mektepti ustap turýǵa qyrýar qarjy jumsalýda. Osy bir másele jan-jaqty sheshim qabyldaýdy qajet etedi.

Sońǵy jańalyqtar

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Almaty qalasynda jer silkindi

Aımaqtar • 06 Mamyr, 2021

Taýda joǵalyp ketken týrıst tabyldy

Aımaqtar • 06 Mamyr, 2021

Uqsas jańalyqtar