"Azyq-túlik jáne basqa da bazarlar, jármeńkeler, qoǵamdyq tamaqtaný obektilerimen qatar HQO-lardyń da jumys ýaqyty qysqardy.
Sonymen, bas sanıtarlyq dárigerlerdiń sheshimi boıynsha elimizdiń 13 aımaǵynda - Aqmola, Atyraý, Aqtóbe, Almaty, Qaraǵandy, Qostanaı, Qyzylorda, Túrkistan, Soltústik Qazaqstan, Batys Qazaqstan, Jambyl oblystary men Almaty jáne Shymkent qalalaryndaǵy HQO-lardyń jumys kestesi qysqartyldy. Al Shyǵys Qazaqstan oblysynda HQO-nyń jumys ýaqytyna ózgeris tek Semeı qalasy boıynsha engizildi.
Qazirgi tańda "Azamattarǵa arnalǵan úkimet" memlekettik korporasııasynyń front-ofıs qyzmetkerleri bank operatorlary, dárigerler men polıseıler sekildi azamattarmen tikeleı baılanysta jumys jasap jatyr. Bólimderde sanıtarlyq-epıdemıologııalyq, áleýmettik qashyqtyq jáne betperde rejımderi qatań saqtalǵan. Alaıda, qyzmet alýshylar ózderin jaısyz sezinip nemese syrqat belgilerin baıqasa HQO-ǵa barýdan bas tartýǵa keńes beremiz.
Koronavırýstyq ınfeksııanyń taralýyna jol bermeý maqsatynda avtokólik ıelerin mamandandyrylǵan HQO-ǵa barmaı-aq, memlekettik qyzmetterdi onlaın alýǵa shaqyramyz. Búginde avtokólikti tirkeý jáne júrgizýshi kýáligin aýystyrý onlaın rejımde qoljetimdi.
Esterińizge sala keteıik, HQO mamyr aıynda jumysyn qaıta bastaǵan bolatyn. Pandemııa jaǵdaıynda Azamattarǵa arnalǵan úkimet jumystyń jańa formatyna kóshýge májbúr boldy.
Atap aıtqanda, qazir HQO-lar elektrondy portalda qoljetimsiz "qaǵaz" túrindegi qyzmetterdi ǵana kórsetedi. Qyzmet alýshylardy HQO-ǵa kelýin aldyn-ala egov.kz portalyndaǵy arnaıy servıs jáne ı eGovKzBot2.0 telegram-boty arqyly brondaýy qajet", - delingen habarlamada.
