Olarda 950 maman halyqqa qyzmet kórsetip otyr. Qaýipsizdik kaskalary sol qyzmetkerlerge taratylyp berilmek.
"Kazgıproneftetrans" ınjınırıng kompanııasy" JShS ókilderi Gúljaına Nysanova men Eldar Ahajanov kompanııa jasaǵan qaýipsizdik kaskalarynyń 1 myńnan asa danasyn "Azamattarǵa arnalǵan úkimet" MK KEAQ Almaty qalasy fılıalynyń dırektory Danııar Qyryqbaevqa tabystady.
Kompanııa basshylyǵy tótenshe jaǵdaı kezinde jedel áreket etý úshin ázirlengen josparǵa sáıkes sharalardy qolǵa alǵan bolatyn, Sonyń biri – kompanııa qyzmetkerleriniń bastamasymen, azamattarmen betpe-bet jumys isteıtin mekemeler qyzmetkerleri úshin qorǵanys kaskalaryn jasaýdy qolǵa alǵan. О́zderi qurastyrǵan qorǵanys kaskalarynyń bir partııasyn Almaty HQO-larynyń qyzmetkerlerine tapsyrýǵa sheshim qabyldaǵan eken.
"COVID-19 vırýsynyń órship turǵan shaǵynda halyqpen betpe-bet jumys istep otyrǵan bizdiń qyzmetkerlerimizge jasalǵan úlken syılyq boldy. Azamattarymyzdyń, onyń ishinde bizdiń qyzmetkerlerimizdiń jaǵdaıyn eskerip, osyndaı qymbat tartý jasaǵandaryńyzǵa alǵysymyz sheksiz", - dedi kompanııa syılyǵyn qabyldap alǵan fılıal dırektory Danııar Batanuly.
"Qorǵanys kaskalaryn jasaýǵa kompanııanyń bastamashyl eriktileri kómektesti. HQO qyzmetkerleri halyqpen úzdiksiz jumys isteıtin bolǵandyqtan, 1050 dana qorǵanys kaskasyn "Azamattarǵa arnalǵan úkimet" MK KEAQ Almaty qalasy fılıalynyń qyzmetkerlerine tegin tapsyrýdy jón kórdik", - deıdi "Kazgıproneftetrans" ınjınırıng kompanııasy" JShS ókili Gúljaınar Nysanova.
Bul Almaty qalasy HQO-laryna kásipkerler tapsyrǵan alǵashqy tartý emes. Osyǵan deıin, jas kásipker Aıdar Jaqypov quny 5 mıllıon teńge turatyn teplovızıondy kamerany syıǵa tartqan bolatyn. Apparat adamǵa janaspaı-aq, bir mezgilde 1-den 2,5 metrge deıingi qashyqtyqta 30 adamnyń dene qyzýyn ólsheıdi jáne bet perdesiz turǵandardy anyqtaı alady. Ol kamera Medeý aýdandyq HQO-ǵa ornatylyp, búginde bólim ujymy onyń ıgiligin kórip otyr.
Almaty
