"Atameken" UKP-da Premer-Mınıstrdiń orynbasary Roman Sklıardyń tóraǵalyǵymen beınekonferensııa baılanysy rejıminde kásipkerlik máseleleri boıynsha Jobalyq keńseniń otyrysy ótti.
Roman Sklıar Premer-Mınıstr Asqar Mamınniń tapsyrmasy boıynsha ekonomıkanyń zardap shekken sektorlaryndaǵy jaǵdaıdyń jedel monıtorıngin qamtamasyz etý úshin "qarapaıym zattar ekonomıkasyn" damytý jónindegi Jobalyq keńseniń mandaty keńeıtilip, bıznestiń jaı-kúıin monıtorıngileý úshin jedel shtab qurylǵanyn habarlady.
Roman Sklıardyń jetekshiligimen Jobalyq keńseniń quramyna "Atameken" UKP basqarma tóraǵasy Abylaı Myrzahmetov, kásipkerlik máselelerine jetekshilik etetin ákimderdiń orynbasarlary, beıindi ortalyq memlekettik organdardyń ókilderi kirdi.
Premer-Mınıstrdiń kásipkerlik máseleleri jónindegi keńesshisi Dana Júnisova jedel shtabtyń mindetteri týraly aqparat berdi. Máselen, shtab óńirlerdegi kásipkerlik belsendiliktiń jaı-kúıine jáne karantındik sharalardyń bıznesti júrgizý jaǵdaılaryna áser etýine monıtorıng júrgizedi, neǵurlym zardap shekken salalardaǵy ShOB sýbektileriniń sany týraly ózekti málimetterdi qalyptastyrady, sondaı-aq kásipkerlik belsendilikti qalpyna keltirý jáne damytý, jumyspen qamtýdy saqtaý boıynsha jedel jáne júıeli usynystar ázirleıdi.
Bıznestiń jaı-kúıi týraly jedel derekter apta saıyn úsh kózden quralady: ákimdikter, óńirlik kásipkerler palatasy jáne tikeleı bıznesten. Osylaısha, bıznes óziniń jaǵdaıy men problemalyq máselelerdiń bar ekendigi týraly tikeleı habarlaı alady.
Kásipkerler úshin onlaın-saýalnama jasalǵan, ony toltyrý úshin myna silteme boıynsha ótýge bolady: https://forms.gle/GSB5Bsf6GSTz3eeW9. Jınalǵan derekter negizinde jedel shtab keıinnen qajetti qoldaý sharalaryn qabyldaý úshin Úkimetti habardar etetin bolady.
О́z kezeginde Abylaı Myrzahmetov bıznes pen memlekettik organdardyń úılesimdi jáne jedel jumysynyń nátıjesi problemalardy der kezinde sheshýge jáne olardy erte kezeńde dıagnostıkalaýǵa bolatynyn atap ótti.
Jobalyq keńseniń otyrysyn qorytyndylaı kele, Roman Sklıar shuǵyl shtab jıyny ákimderdiń orynbasarlarynan óńirlerdegi qazirgi jaǵdaı týraly aqparat alyp, apta saıyn júrgiziletinin habarlady. Sondaı-aq Jedel shtab apta saıyn Qazaqstan Respýblıkasy Premer-Mınıstriniń júrgizip otyrǵan jumysynyń nátıjeleri týraly habardar etetin bolady.
