"Eriktiler qozǵalysyn damytýǵa, ásirese pandemııa kezinde Memleket basshysynyń aǵymdaǵy jyldy - eriktiler jyly dep jarııalaý jónindegi bastamasy úlken serpin berdi. "Birgemiz" respýblıkalyq front-ofısiniń qamqorlyǵymen volonterlik shtab quryldy, "Qaýyrt jeli" ashyldy, halyqtyń áleýmettik osal toptaryna kómek kórsetetin 40 myń eriktiler jumyldyryldy", - dedi Aıda Balaeva.
Onyń aıtýynsha, tótenshe jaǵdaı kezinde el boıynsha qıyn ómirlik jaǵdaıǵa tap bolǵan 1 mıllıonǵa jýyq azamatqa kómek kórsetilgen.
"Volonterler soǵys jáne eńbek ardagerlerine, jalǵyz basty qarttarǵa, kópbalaly jáne az qamtylǵan otbasylarǵa tótenshe jaǵdaı kezinde kómek kórsetti. Eriktilerdiń jumysyn odan ári júıeli damytý úshin óńirlik deńgeıden respýblıkalyq deńgeıge deıin biryńǵaı vertıkal qaǵıdaty boıynsha volonterlik ınfraqurylym quryldy. Qazirgi ýaqytta ÚEU-men birlesip, tıisti zań jobasyn ázirleý boıynsha jumys júrgizilýde, onyń sheńberinde volonterlik qyzmetke qatysýǵa adamdardy yntalandyrý úshin praktıkalyq tetikter salynatyn bolady", - dedi mınıstr.
