Vedomstvonyń málimetinshe, A.Atambaevtyń test synamasynan koronavırýs juqtyrǵany anyqtaldy. Dárigerler eks-prezıdenttiń eki ókpesi qabynǵan dep dıagnoz qoıdy. Sondyqtan dárigerler konsılıýmy ony tergeý ızolıatorynan kóshirý týraly sheshim qabyldady.
Sońǵy aptada A.Atambaev birneshe ret advokattar men týǵan-týystarymen kezdeskeni týraly jáne olarǵa qaǵaz ben zattardy qolmen tapsyrǵany anyqtaldy.
Resmı málimetter boıynsha, vırýstyq ınfeksııanyń jekelegen belgileri advokat Z.Jooshevten de rastaldy. Sebebi advokat vırýs juqtyrǵan týystarymen baınalysta bolǵan.
UQK tergeý ızolıatory shtattyq rejimde jumys isteıtinin aıtty. Sonymen qatar qyzmetkerler arnaıy medısınalyq tekserýlerden jáne sanıtarlyq-epıdemııalyq jaǵdaıdy birqalypta ustap kelgenin baıandady.
Oryn alǵan jaıttan keıin qyzmetkerler test synamasyn tapsyrady. Eshqaısysynda indettiń belgileri baıqalmaǵan. Osydan soń UQK azamattar men kelýshilerdi qabyldar aldynda profılaktıkalyq sharalarǵa jaýapkershilik tanytyp, túsinistikpen qaraýǵa jáne erejelerdi qatań saqtaýǵa mindettedi.
