"Jasyl el" jastar jasaǵynyń jetekshisi Abylaı Qurmetulynyń aıtýynsha, búginde aımaqtyń tabıǵatyn qorǵap, kóshelerdi kógaldandyrý-kórkeıtý úshin eńbek maýsymynda 1000 jasty jumyspen qamtý kózdelip otyr. Onyń ishinde 300 jas Atyraý qalasynyń aýmaǵynda, al, ár aýdanda 100 sarbaz jumys isteıtin bolady.
"Jańa maýsymǵa tirkeý onlaın rejımde júrgizilip jatyr. Qazirgi ýaqytta ótinish bildirýshi 671 adam bar. Tirkelýshilerdiń qujattary qosymsha tekseriledi. Atap aıtar bolsaq, jeke kýálik, banktik esepshoty, 18 jasqa tolmasa ata-anasynyń ruqsat qaǵazy kerek. Barlyq sarbazdar qolǵappen, maskamen qamtamasyz etiledi. Olararaqashyqtyqty saqtap jumys isteıtin bolady", - deıdi Abylaı Qurmetuly.
Joba aıasynda bıyl da ádettegideı barlyq aýdanda jáne Atyraý qalasynda aı saıyn #TrushtagAtyrau aksııasy uıymdastyrý jospary bar. Sondaı-aq, jastar arasynda ekologııalyq mádenıet pen aýyl sharýashylyǵyn damytýǵa baǵyttalǵan 10 is-sharany ótkizý josparlanyp otyr.
