Bul týraly óńirlik kommýnıkasııalar qyzmetinde onlaın formatta ótken baspasóz konferensııasynda Pavlodar oblysy ákiminiń birinshi orynbasary Suńǵat Esimhanov málim etti.
"Baıantaýda erteńgi kúnge deıin eki júzge jýyq tósek daıyndalady", - deıdi Suńǵat Esimhanov. – Bul tósek oryndardy paıdalaný jaǵdaıǵa baılanysty bolady. Biraq bul jerde aýrýdyń jeńil túri bar naýqastar úshin belgili bir prosedýralardy júrgizýge jáne alǵashqy kómekti ǵana bolady. Keıin naýqastyń jaǵdaıyna baılanysty kásibı aýrýhanalarǵa jetkiziledi.
Atalmysh eki júz tósek oryn sport saraıynyń bir úlken zalynda ashylady.
"Provızorlyq stasıonarlar barlyq qalalar men aýdan ortalyqtarynda ashylady", - deıdi oblys ákiminiń birinshi orynbasary. - Aqsý qalasynda "Eýrazııa" medısınalyq ortalyǵy daıyndalýda. Sporttyq ǵımarat bazasynda úlken gospıtal ashý boıynsha daıyndyq jumystaryn júrgizýdemiz.
Esterińizge sala keteıik, búgingi kúni Pavlodar oblysynda koronavırýstyq ınfeksııanyń 1139 jaǵdaıy tirkelgen. Sonymen qatar, óńirde pnevmonııamen aýyratyn naýqastar sanynyń buryn-sońdy bolmaǵan ósýi tirkelýde.
