Qazirgi tańda munda iri túıirshikti asfalt-betonnan jasalǵan jol jabyndysynyń tómengi jáne joǵarǵy qabattary jańartylýda. Atalmysh jumystar aıaqtalǵan soń eni 9 metrdi quraıtyn qozǵalys bóligi bar tasjol II tehnıkalyq sanattaǵy jolǵa sáıkestendiriletin bolady.
Joldyń osy ýchaskesindegi jumystarǵa shamamen 175 adam men tehnıkanyń 116 birligi jumyldyrylǵan. Jol ýchaskesindegi qurylys-montajdaý jumystaryn Todini Costruzioni Generali S.p.A. merdigerlik kompanııasy, tehnıkalyq baqylaý sharalaryn "Consult Enginering" jáne "ZS Enginering" kompanııalary júzege asyrýda.
Jalpylaı alǵanda, bıyl Aqtóbe oblysynda "Aqtóbe-Atyraý-Astrahan" tasjolynyń 154 shaqyrymynda qozǵalys ashylmaq. Bul – joldyń 160-220, 236-275 jáne 275-330 shaqyrymdarynyń aralyǵy.
Eske salaıyq, óńirdegi respýblıkalyq mańyzy bar joldardyń uzyndyǵy 1892 shaqyrymdy quraıdy. Joldardyń shamamen 70% jaqsy jáne qanaǵattandyrarlyq jaǵdaıda.
