Ár túrli júkter qatary tıelgen 43 qyryqfýttyq konteınerlerden turatyn poıyz Qazaqstanǵa Altynkól stansasy arqyly keldi. Ári qaraı, Beket-Ata fıder kemesimen júk Aqtaý portynan Ázirbaıjannyń Alıat portyna jetkizilip, ol jerden Grýzııanyń Ahalkalakı stansasy arqyly Túrkııanyń Izmıt qalasyna jetti.
Poıyzdyń jalpy jol júrý ýaqyty 14 kúndi qurady. Bir qyzyǵy, Altynkól stansasynan shyqqan poıyz Ahalkalakı stansasyna 10 kúnde jetip, rekordtyq nátıje kórsetti.
Aıta keterlik jaıt, epıdemıologııalyq jaǵdaıǵa baılanysty týyndaǵan keıbir shekteýlerge qaramastan, Transkaspıı halyqaralyq kólik marshrýty (THKM) boıymen júk tasymaldaý barlyq sanıtarlyq-epıdemıologııalyq standarttarǵa sáıkes kedergisiz júzege asyrylady.
Júk jóneltilimin uıymdastyrýshylar bul konteınerlik poıyzdyń jetkizilimi birneshe eldiń temirjol ákimshilikteri arasyndaǵy strategııalyq yntymaqtastyqtyń mysaly ekenin atap ótti.
