Tegin dári-dármek alý úshin dıagnozy rastalǵan naýqas óz emhanasyna mindetti túrde bekitilýi tıis. Sebebi, bul dári-dármekter halyqtyń tirkelimi jáne dıspanserlik naýqastardyń tirkelimi boıynsha "Covid-19" ınfeksııasynyń jeńil túrine shaldyqqan, pnevmonııa nemese JRVI dıagnozy bar naýqastarǵa jeke esepten bosatylady.
Eger adam basqa emhanaǵa tirkelgen nemese basqa qalada bolsa, ne isteý kerek?
Aýmaqqa tıesililik prınsıpi buzyldy, nátıjesinde azamattar óz aýmaǵynan tys jerde ornalasqan, ózderi qalaǵan emhanalarǵa tirkele bastady. Tipti, bir otbasynyń músheleri bólek emhanalardyń esebinde bolýy múmkin. Kómekti tirkelmese de jaqyn ornalasqan emhanadan alý múmkindigi qarastyrylǵan ba? Qoldanystaǵy zańdarǵa jáne Densaýlyq saqtaý mınıstrliginiń buıryǵyna sáıkes, dári - dármekter tek tirkelgen azamattarǵa beriledi. Bul jaǵdaıda azamattar onlaın-ótinish berý arqyly tirkelgen emhanasynan shyǵyp, jaqyn emhanaǵa tirkelýge múmkindikteri bar.
Qajetti emhanaǵa tirkelý rásimi qansha ýaqytty qajet etedi?
Onlaın rásim kórsetiletin memlekettik qyzmet aıasynda Egov elektrondyq úkimet portaly arqyly júzege asatyndyqtan, kóp ýaqyt almaıdy.
