Saılaýdy baqylaýǵa qatysty

Parlament Májilisiniń depýtaty Úsengeldi Medeýov 8-10 qazanda Ázerbaıjanda bolyp, TúrkPA mıssııasynyń quramynda osy elde ótken prezıdent saılaýyn baqylaýǵa qatysty. TúrkPA baqylaýshylar delegasııasyna Túrkııa Jalpyulttyq májilisiniń depýtaty Halıýk Ipek jetekshilik etti.

Parlament Májilisiniń depýtaty Úsengeldi Medeýov 8-10 qazanda Ázerbaıjanda bolyp, TúrkPA mıssııasynyń quramynda osy elde ótken prezıdent saılaýyn baqylaýǵa qatysty. TúrkPA baqylaýshylar delegasııasyna Túrkııa Jalpyulttyq májilisiniń depýtaty Halıýk Ipek jetekshilik etti.

Sapar barysynda TúrkPA delegasııasy Ázerbaıjan Mıllı Májilisiniń tóraǵasy Oktaı Asa­dov, Syrtqy ister mınıstri E.Mamedıarov jáne Ortalyq saılaý komıssııasynyń tóraǵasy M.Panahovpen kezdesýler ótkiz­di. Suhbat barysynda depýtat Ú.Medeýov Qazaqstan men Ázer­­baıjan arasyndaǵy qarym-qaty­nastardyń aýqymdy damyp kele jatqanyn atap ótip, osy úrdistiń zańnamalyq negizin keńeıte túsý úshin eki el parlamentarııleriniń ózara árekettestigin odan ári arttyrý qajettigin aıtty. Sondaı-aq, qazaqstandyq depýtat TúrkPA-ǵa múshe elderdegi saılaýlardy ózara baqylaý osy memleketterdegi saılaý prosesiniń jetilýine septigin tıgizetinin tilge tıek etti.

9 qazanda TúrkPA baqy­laý­shy­lar mıssııasynyń músheleri Bakýde ornalasqan birqatar saı­laý ýchaskelerinde bolyp, ýchas­kelik komıssııa múshelerimen, pre­zıdenttikke úmitkerlerdiń ókil­derimen jáne saılaýshylarmen júzdesti.

10 qazan kúni TúrkPA baqy­laý­shylar mıssııasy óz baqy­la­ýy­nyń qorytyndysy boıynsha bas­pasóz máslıhatyn ótkizdi.

«Egemen-aqparat».