Osy problemaǵa azdap bolsa da úlesimizdi qossaq, utarymyz kóp bolmaq
Májiliste palata Spıkeri Nurlan Nyǵmatýlınniń tóraǵalyǵymen ótken jalpy otyrysta depýtat Andreı Begeneev Qorshaǵan ortany qorǵaý mınıstri Nurlan Qapparovqa depýtattyq saýal joldaǵan edi. Onda bylaı delinedi:
Osy problemaǵa azdap bolsa da úlesimizdi qossaq, utarymyz kóp bolmaq
Májiliste palata Spıkeri Nurlan Nyǵmatýlınniń tóraǵalyǵymen ótken jalpy otyrysta depýtat Andreı Begeneev Qorshaǵan ortany qorǵaý mınıstri Nurlan Qapparovqa depýtattyq saýal joldaǵan edi. Onda bylaı delinedi:
«Elimizdiń ulan-ǵaıyr dalasynyń sáıkes aýmaqtaryn jasyl jelekke bóleýdiń asa mańyzdy ekeni anyq. Qazaqstanda ormandy alqap eldiń jalpy aýmaǵy kóleminiń 8-10 paıyzyn ǵana quraıdy. Sondyqtan da Memleket basshysynyń bastamasy boıynsha qurylǵan Astananyń «jasyl beldeýiniń» ózge óńirlerge de úlgi retinde taralýy laıyqty bastama bolyp otyr. Onyń mańyzdylyǵy týraly el Prezıdenti Nursultan Nazarbaev: «Eger biz jyl saıyn barlyq oblysta kógaldandyrý isimen aınalysatyn bolsaq, onda Qazaqstandy jasyl jelekti elge aınaldyramyz», dep atap ótken bolatyn.
Jasyl jelekti kóbeıtý maqsatynda qurylǵan respýblıkalyq jáne jergilikti deńgeıde mamandandyrylǵan memlekettik qurylymdar jáne tıisti qyzmetter bar, «Zelenstroı», «Jasyl el» memlekettik baǵdarlamasy túrindegi jáne basqa da ekpeler bar. Senbilikterde tal-terekterdi otyrǵyzý dástúrge aınalǵan. Alaıda, Reseıdegi sııaqty aǵash egý kúni joq. Ormany kóp bolsa da, kórshi elde 18 mamyr Búkilreseılik aǵash otyrǵyzý kúni bolyp belgilengen.
Yntaly adamdardyń bastamasy boıynsha ótkizilip júrgen qazaqstandyq senbilikter bıýdjet qarajatyn da shyǵyndaıdy. Sondyqtan «Nur Otan» partııasynan saılanǵan depýtattar retinde bizdi «Qazaqstannyń qaı jerinde jáne qandaı aǵashtar túri egiledi, eń bastysy, sonyń qanshasy ósip shyǵady?» degen suraqtar tolǵandyrady. О́ıtkeni, Qazaqstannyń kóptegen aımaǵynda áli kúnge deıin toǵaı da, bir shoq buta da joq.
Sol sebepti «Ormandardy damytýǵa, aýmaqtardy kógaldandyrýǵa respýblıka boıynsha tutastaı alǵanda jáne óńirlerge bólgende memleket qarajaty qalaı jumsalady?» degen suraq týyndap otyr».
