Medısına • 07 Shilde, 2020

Elordada eki kún ishinde 10-ǵa jýyq dári-dármek túri tárkilendi

22 ret kórsetildi

Dári-dármekterdiń jalpy quny 6 mln teńgeni qurady Bul týraly  Nur-Sultan qalasy ákimdiginiń baspasóz qyzmetine silteme jasaı otyryp Egemen.kz habarlaıdy.

Tártip saqshylary jalpy 4,7 myń dári tabletkasyn, 2 myńnan astam flakon men 400 kapsýla, 80 gradýsnık, 26 myńnan astam maska men 3,5 myń medısınalyq kıim túrlerin (halattar, qolǵaptar, bas kıimder, kózildirikter jáne t.b.) tárkiledi. Júrgizilgen esep boıynsha, tárkilengen zattardyń jalpy somasy 6 mln teńgeden asady.

6 shilde kúni jedel-profılaktıkalyq shara barysynda Qoshqarbaev kóshesinde "Toıota Kamrı" avtokóliginiń 30 jastaǵy júrgizýshisi ustaldy. Onyń júk salǵyshynan "Seftrıakson", "Sefazolın", "Sýlamed", "Azıtromısın", "Ingaverın", "Eýfıllın", "Ledokaın" jáne t.b. medısınalyq preparattardyń iri partııasy tabyldy.

Aıypttalýshy azamat buryn qylmystyq jaýapkershilikke tartylyp, eki ret sotty bolǵany anyqtaldy. Sondaı-aq polısııa qyzmetkerleri saýda ortalyǵy turaǵynda qajetti qujattary joq dári-dármekterdi satpaqshy bolǵan 30 jasar áıeldi ustady. Budan basqa, Ońtústik-Shyǵys shaǵyn aýdanynda baqylaý kezinde "Ledokaın", "Ergoferon", "Parasetamol", "Sefazolın", "Kaletra" jáne t.b. tapshy dárilik preparattardy satqany úshin 40 jastaǵy áıel ustaldy.

Sonymen qatar qalalyq dárihanalarǵa tekserý júrgizilip, birqatar dári-dármekterdiń baǵasy kóterilgeni anyqtaldy. Nur-Sultan polısııasy azamattardan dári-dármekterdi zańsyz satý derekteri anyqtalǵan jaǵdaıda, jaqyn jerdegi bólimshege nemese 102 nómirine habarlasýdy suraıdy.


Sońǵy jańalyqtar

Uqsas jańalyqtar