Barlyq jerdegi sııaqty Oral qalasynda da koronavırýs indeti órship tur. О́ńir basshylyǵy tilsiz jaýmen kúreste halyq bolyp qarsy turý jóninde úndeý tastaǵan bolatyn. Aýrýhanadaǵy naýqastarǵa asa qajet bolyp turǵan medısınalyq jabdyqtyń biri – quny 680 myń teńge turatyn ottegi konsentratory edi. "Davıd Stroı" JShS dırektory Qanat Janǵazıev Batys Qazaqstan oblystyq aýrýhanasyna osy apparattyń úsh danasyn birden tartý etti. Bul jabdyq aýadan ottegi jasap, naýqastardyń tynys alýyna kómektesedi.
– Janashyr azamattar naýqastarǵa úlken kómek kórsetip jatyr. Qazir aýrýhanadaǵy jaǵdaı kúrdeli. Pravızorlyq stasıonarǵa kúnine jıyrmadan asa naýqas túsedi. Osy sáttegi bizge kerek basty qural – dál osy ottegi konsentratory edi. Bul apparattar bizge, mundaǵy naýqastarǵa úlken kómek boldy. Sol úshin osyndaı ıgi is jasaǵan azamattarǵa alǵysymyzdy aıtamyz, - dedi Batys Qazaqstan oblystyq kópbeıindi aýrýhanasynyń dırektory Arman Baıdeýov.
Igi bastama ıesi Qanat Janǵazıev ózge áriptesterin indetpen kúreste halyqpen birge bolýǵa shaqyrdy.
Aıta keteıik, Batys Qazaqstan oblysynda indet juqtyrǵandar sany 3423-ke jetken. Olardyń 1185-i jazylyp, úılerine shyqqan. Jýyrda oblystyq kópbeıindi aýrýhanada 150 oryn provızorlyq stasıonar ashylmaq.
Sýretti túsirgen Dastan BIJANOV
Batys Qazaqstan
