Prezıdent tapsyrmalarynan týyndaıtyn mindetter qaraldy

Keshe Premer-Mınıstr Serik Ahmetovtiń tóraǵalyǵymen Memleket basshysynyń ústimizdegi jyldyń 11 qazanynda ótken Úkimettiń keńeıtilgen otyrysynda aıtqan tapsyrmalaryn júzege asyrý jónindegi sharalar qaraldy, dep habarlady Premer-Mınıstrdiń baspasóz qyzmeti.

Keshe Premer-Mınıstr Serik Ahmetovtiń tóraǵalyǵymen Memleket basshysynyń ústimizdegi jyldyń 11 qazanynda ótken Úkimettiń keńeıtilgen otyrysynda aıtqan tapsyrmalaryn júzege asyrý jónindegi sharalar qaraldy, dep habarlady Premer-Mınıstrdiń baspasóz qyzmeti.

Úkimettiń keńeıtilgen oty­ry­synda tyńdalǵan áleýmet­tik-ekonomıkalyq damý qory­tyn­dylary boıynsha Memleket basshysy birqatar mańyzdy min­detter qoıdy. Prezıdent sózinen týyndaıtyn negizgi sátterge nazar aýdara otyryp, S.Ahmetov osy tapsyrmalardy tıimdi júzege asyrý úshin memlekettik organdar kúsh-jigerlerin úılestirý qajettigin atap ótti.

Bıýdjet saıasaty men mem­le­­kettik satyp alýlar júıesin oń­taılandyrý salasynda Úkimet basshysy jyl sońyna deıin barlyq deńgeıdegi ortalyq memlekettik organdar basshylarynyń bólingen bıýdjet qarjylaryn, sonyń ishinde transfertterdi de baryn­sha ıgerýdi qamtamasyz etýi qa­jet­tigin atap kórsetti.

Sol sııaqty Memleket basshy­sy­nyń tapsyrmalaryn eskere otyryp, memlekettik jáne sa­la­­lyq baǵdarlamalardy ın­ven­ta­rızasııalaý jumystaryn jal­ǵastyrý qajet, deı kelip, S.Ah­metov birqatar kórsetkishter boı­ynsha ósimdi, sonyń ishinde eńbek ónimdiligin qamtamasyz ete­tin baǵdarlamalardy anyqtaý qa­jettigin atady.

Memlekettik satyp alýlar máselesine qatysty S.Ahmetov Qarjy mınıstrligine Memleket basshysynyń tapsyrmalaryn eskere otyryp, múddeli mem­le­kettik organdarmen, óńirler ákimderimen birlesip, zańnamany jetildirý jóninde naqty usy­nys­tar engizýdi usyndy. Son­daı-aq, ol barlyq tenderlik komıssııa­lardy ortalyq memlekettik or­gan­dardyń birinshi basshylary men óńirler basshylarynyń bas­qaratynyn atap kórsetti.

Kásipkerlikti damytý jó­nin­degi Prezıdent tapsyrmalaryn oryndaý turǵysynda Ekonomıka jáne bıýdjettik josparlaý mı­nıstrligi holdıngtermen jáne ult­tyq kompanııalarmen birlesip, olar­dy jeke sektorǵa bere otyryp kvazımemlekettik sýbektilerdi ońtaılandyrý jónindegi ju­mys­tardy jalǵastyrýy tıis.

Sondaı-aq, Úkimet basshysy mem­­lekettik ındýstrııalyq saıasatty odan ári júzege asyrý, arnaıy ekonomıkalyq aımaqtardyń jumys isteýi, paıdalanylmaıtyn jerlerdi ınventarızasııalaý máse­lelerine qatysty da birqatar tapsyrmalar berdi.

О́ńirlik saıasatty odan ári damy­tý máselesine qatysty S.Ah­me­tov О́ńirlik damý mınıstr­ligi aldyna memlekettik baǵdar­lamalardy ınventarızasııalaý sheńberinde óńirlerdi damytý baǵdarlamalaryn júzege asyrý tıimdiligine taldaý jasaý já­ne olardy ońtaılandyrý jó­nin­de usynystar engizý týraly mindet qoıdy. Ekonomıka já­ne bıýd­jettik josparlaý mı­nıstrligi men О́ńirlik da­mý mı­nıstrligi óńirlik damý sala­syndaǵy ózderiniń fýnksııalary men ókilettikterin qaıta qaraý máselesin oılastyryp, Úkimetke usynystar engizýi tıis.

Bútindeı alǵanda óńirlik saıa­sat salasyndaǵy jumystardyń júıeliligi men úılestirilýin О́ńirlik damý mınıstrligi júzege asyratyn bolady. Bul oraıda Ekonomıka jáne bıýdjettik jos­parlaý mınıstrligimen birlese otyryp qaralatyn óńirlerdi da­mytýdyń barlyq bıýdjetteri qa­lyptastyrylýy tıis, dedi S.Ahmetov.

Áleýmettik jańǵyrtý salasynda, Memleket basshysynyń tapsyrmalaryn eskere otyryp, múddeli memlekettik organdarǵa bilim berý, densaýlyq saqtaý jáne áleýmettik qorǵaý máseleleri boıynsha usynystar engizý tapsyryldy.

S.Ahmetov Prezıdent ótkizgen keńes qorytyndysy boıynsha berilgen tapsyrmalardy júzege asyrýda keshendi jospar ázirleý jóninde ókim berdi.

Sol sııaqty Úkimet basshysy óńirler ákimderiniń nazaryn eldi mekenderdiń aldaǵy qysqa daıyndyǵy, áleýmettik mańyzdy azyq-túlik baǵalarynyń turaqtylyǵy jáne jınalǵan astyqtyń saqtalýyn qamtamasyz etý máselelerine aýdardy.

Búgin Memleket basshysy ta­rapynan jetkilikti dárejede ashyq, shynaıy áńgime bolyp, syn­darly syn aıtyldy, deı kelip, biz Prezıdent tapsyrmalaryn jú­zege asyrý jónindegi barlyq is-sharalardy keshendi josparǵa engizip, osynaý úlken jumysqa ki­risýimiz kerek, dep túıindedi sózin Premer-Mınıstr.