Shyǵys Qazaqstan oblysy О́skemen qalasy ákimdigi ekonomıka jáne bıýdjetti josparlaý bóliminiń burynǵy basshysy Janet Nurlan 500 mıllıon teńge jymqyryp, qashyp ketti. Osyǵan oraı, osy aptada eks-sheneýnikke izdeý jarııalandy. Bul týraly «Astana» telearnasy habarlady.
Burynǵy sheneýnik «Nurly kósh» baǵdarlamasynan Shyǵys aýylynyń qurylysyna bólingen bıýdjet aqshasyn urlaǵan eken.
Esterińizde bolsa, buǵan deıin birneshe ret «karton» úılerde turyp, ashynǵan oralmandar týraly kórsetken edik. Qarjy polısııasy 2012 jyly aýyl qurylysyna qatysty tergeý júrgizýdi bastaǵan. Degenmen, kóp uzamaı bul prosess toqtap qaldy. Ashynǵan turǵyndar osy jyldyń mamyr aıynda kóteriliske shyǵyp, jan aıqaıyn aıtqan soń ǵana, prokýratýra tergeý amaldaryn bastady. Sodan keıin qomaqty qarajatty qymqyryp ketkenderge qatysty is qaıta kóterildi.
Belgili bolǵandaı, ekonomıka jáne bıýdjetti josparlaý bóliminiń basshysy Janet Nurlan «Bystryı» jaýapkershiligi shekteýli seriktestiginiń quryltaıshysy qyzmetin de qosa atqarǵan. Dál osy seriktestik Shyǵys aýylynyń qurylysymen aınalysyp kelgen.
Aıta keteıik, tártip saqshylary istiń qupııalyǵy úshin tergeý materıaldaryn jarııalamaı otyr. Beıresmı aqparat kózderinen málim bolǵandaı, eks-sheneýnik Janet Nurlan Germanııada jasyrynyp júr.
Baqytbek Keneshuly.
