Qazaqstan • 09 Shilde, 2020

"Skýter" aksııasy bastalǵaly 791 keme tekserildi

8 ret kórsetildi

Indýstrııa jáne ınfraqurylymdyq damý mınıstrligi Kólik komıtetiniń aqparaty boıynsha, 2019 jyldyń 1 maýsymy men 31 tamyzy aralyǵynda elimizde "Skýter" jyl saıynǵy respýblıkalyq aksııasy ótýde, dep habarlady IIDM baspasóz qyzmeti.

Aksııa maqsaty – shaǵyn kólemdi sý kóligin qaýipsiz paıdalaný, elimizdiń sý qoımalaryndaǵy kópshilik demalatyn aımaqtar men oryndarda adamdardyń ómiri men densaýlyǵyn saqtaýdy qamtamasyz etý.

Shara bastalǵan 1-maýsymnan 28-ne deıin 791shaǵyn kólemdi keme (gıdrosıklder, katerler, motorly kemeler jáne t.b.) tekserilip, 124ákimshilik quqyq buzýshylyq anyqtaldy. 22 shaǵyn kólemdi kemeni paıdalanýǵa tyıym salyndy. Quqyq buzýshylyqtardyń basym kópshiligi Almaty, Shyǵys Qazaqstan jáne Atyraý oblystarynda anyqtaldy.

Quqyq buzýshylyqtardyń negizgi túrlerine kelsek:

- jeke qutqarý quraldarynsyz kemelerdi paıdalaný – 48 oqıǵa;

- kemeni basqarý quqyǵyn beretin qujatsyz paıdalaný - 16 oqıǵa;

- keme qujattarynsyz paıdalaný - 13 oqıǵa;

- belgilengen tártippen tirkelmegen nemese bort nómirleri joq kemelerdi basqarý - 12 oqıǵa.

Iаǵnı, aksııa barysynda anyqtalǵan buzýshylyqtardyń eń kóp faktileri kemelerdi jeke qutqarý quraldarynsyz paıdalanýǵa qatysty boldy. Al olardyń bolmaýy adamdardyń, ásirese balalardyń qaýipsizdigine tikeleı qaýip tóndiretini túsinikti. 

Kólik komıtetiniń aýmaqtyq organdary keme ıelerimen, shaǵyn kólemdi kemelerdiń baza-turaqtarynyń jáne demalys aımaqtary ıelerimen shaǵyn kólemdi flotty qaýipsiz paıdalanýdy retteıtin zańnama talaptaryn túsindirý boıynsha profılaktıkalyq jumystar júrgizdi.

Sonymen birge, qaýipsizdikti qamtamasyz etý úshin oblys ákimdikterine adamdar demalatyn jáne shaǵyn ólshemdi flot paıdalanylatyn sý aıdyndarynda shaǵyn ólshemdi kemelerdiń kelýi úshin qorshaıtyn býılar men oryndar jasaý jóninde sharalar qabyldaý úshin tıisti usynymdar joldandy.

Eske sala keteıik, "Skýter" respýblıkalyq aksııasy – sý kóligin qaýipsiz paıdalanýdy qamtamasyz etý maqsatynda Kólik komıteti iske asyratyn 2020 jylǵa arnalǵan flottaǵy apattyń aldyn alý jónindegi is-sharalar josparynyń bir bóligi.

Sońǵy jańalyqtar

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

«Shahter» komandasyna jańa bas bapker keldi

Aımaqtar • 16 Sáýir, 2021

Teatrda «Maýglıdiń» tusaýkeseri ótti

О́ner • 16 Sáýir, 2021

Uqsas jańalyqtar