Aqtóbeniń shetkeri jaǵyndaǵy emdeý mekemesinde bir qyz zorlandy. Senbi kúni Iаsnyı kentiniń turǵyny polısııa kelip, aýrýhada týberkýlezdiń ashyq formasynan emdelip jatqan 25 jasar jigittiń túngi saǵat 2-de ózin zorlaǵanyn málim etti. Bul týraly Aktobetimes.kz habarlady.
Osy zorlyqtyń nátıjesinde jábir kórýshi jynystyq múshesi men belinen jaraqat alǵan. Oqıǵa Novyı kentindegi alkogolızmnen, nashaqorlyqtan jáne týberkýlezden kúshtep emdeletinder jatatyn emdeý-aldyn alý mekemesinde bolǵan.
Oblystyq ishki ister departamenti baspasóz qyzmetiniń deregi boıynsha, jábir kórýshi qyz munda týysynyń jaǵdaıyn bilý úshin keledi. Munda kelýshiler saǵat 19-da shyǵarylady. Biraq qyz uzaq otyryp qalady da, sońynan qonbaqshy bolady. Al kúdikti bul jerde óziniń eshqandaı kinási joq ekenin aıtady. Ol qyz bárine ózi kelisti degendi bildiredi. Osyǵan baılanysty qazir saraptama taǵaıyndalǵan. Al kúdikti qamaýǵa alynǵan.
Emdeý mekemesi bas dárigeriniń orynbasary Balbek Esjanovtyń aıtýynsha, kúdikti naýqas rejimin udaıy buzatyndar qataryna jatady eken. Onyń mekemeden ketip qalyp, spırtti ishimdik alyp keletin kezderi kóp. Al sońynan izdep eshkim kelmeıdi.
Qurysh Nurymbet.
