"Búgin aýdan ákimderiniń, oblystyń ınfeksııalyq, provızorlyq stasıonarlarynyń bas dárigerleriniń jáne densaýlyq saqtaý basqarmasy basshysynyń qatysýymen kezekti jınalys ótkizdim. Onyń barysynda О́skemen qalasy, Aıagóz, Jarma aýdandarynyń ákimderi men bas dárigerleriniń medısınalyq preparattarmen, jabdyqtarmen qamtylý jaǵdaıy, sondaı-aq koronavırýs ınfeksııasymen jáne pnevmonııamen syrqattanǵan aýyr naýqastarǵa qoldanylatyn sharalar týraly esepteri tyńdaldy. Búgin de oblys aýrýhanalaryndaǵy tósek oryn júktemesi 40% quraıdy
Densaýlyq saqtaý basqarmasynyń basshysy I.Muhamedjanǵa 15 shildeden bastap Semeı jáne О́skemen qalalarynda COVID-19 jáne pnevmonııasy bar syrqat deńgeıi aýyr naýqastarǵa arnalǵan mamandandyrylǵan bólimsheler ashý tapsyryldy.
⠀
Karantındik tósekterdi provızor retinde qaıta uıymdastyrý boıynsha jumys odan ári jalǵasýda. Budan basqa, aldaǵy birneshe kúnde epıdemıologııalyq jaǵdaıdy, stasıonarlardyń júktemesin qadaǵalaýǵa, oblys aýrýhanalarynyń dárilik resýrstaryn baqylaýǵa múmkindik beretin sandyq servıs iske qosylady.
⠀
Bizdiń basty mindetimiz COVID-19 vırýsynyń taralýyn toqtatý jáne aımaq turǵyndaryna tolyqqandy medısınalyq kómek kórsetý ekenin eske salamyn.
О́zderińizge qamqor bolyńyzdar, qurmetti meniń jerlesterim!", - dep jazdy Danıal Ahmetov Instagram-daǵy paraqshasynda.
