Álem • 13 Shilde, 2020

Koronavırýstan saýyqqandardyń 17%-ynda ǵana vırýsqa qarsy ımmýnıtet saqtalady

155 ret kórsetildi

London Koroldik kolledjiniń zertteýshileri koronavırýstyq ınfeksııany bastan keshken naýqastar birneshe aıdan keıin aýrýǵa qarsy ımmýnıtetin joǵaltady jáne vırýsty qaıta juqtyrýy múmkin ekenin anyqtady. Zertteýge qatysýshylardyń arasynda úsh aı boıy ımmýnıtet saýyǵyp ketkenderdiń 17% - ynda ǵana saqtalǵan, dep jazady Egemen.kz "VADEMECUM" densaýlyq saqtaý ındýstrııasy týraly iskerlik jýrnalyna silteme jasap.

Ǵalymdar 2020 jyldyń naýryz aıynan maýsym aıyna deıin koronavırýsqa qarsy antıdenelerge turaqty júrgizilgen test nátıjelerine súıenip otyrdy. Klınıkalyq zertteýler 65 pasıenttiń, 6 medısına qyzmetkeriniń jáne Anglııanyń Ulttyq densaýlyq saqtaý qyzmetiniń Gaı jáne Sent-Tomas Qorynyń 31 eriktileriniń qatysýymen júrgizildi. 

Qan taldaýy vırýs juqtyrǵandardyń 60%-ynda emdeý kezinde antıdeneler paıda bolǵanyn kórsetti. Biraq emdelýshilerdiń 17%-ynda ǵana vırýsqa qarsy ımmýnıtet juqtyrylǵan sátten bastap úsh aı ótkennen keıin de saqtaldy.

Vırýsty joıýǵa qabiletti antıdeneler deńgeıi sımptomdar paıda bolǵannan keıin shamamen úsh aptadan keıin maksımýmǵa jetti. Juqtyrý sátinen bastap úsh aı ótkennen keıin pasıentterdiń kópshiliginde antıdeneler deńgeıi 23 ese tómendedi. Juqtyrýdyń aýyr jaǵdaılarynda antıdeneler uzaq ýaqytqa saqtalady.

Sondaı-aq nemis DPA aqparat agenttigi Mıýnhendegi Schwabing klınıkasyndaǵy zertteýshiler uqsas qorytyndyǵa kelgeni týraly habarlady. Medısınalyq uıymdarda aqpan aıynan bastap Germanııada koronavırýsty juqtyrǵan alǵashqy pasıentterdiń biri baıqaldy. Toǵyz pasıenttiń tórt pasıentte daıyndalǵan antıdenelerdiń deńgeıi ýaqyt óte kele tómendegeni anyqtaldy.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar