Aımaqtar • 13 Shilde, 2020

Batys Qazaqstanda indet qurbandaryn aza tutty

205 ret kórsetildi

Memleket basshysynyń jarlyǵyna sáıkes Ulttyq aza tutý kúni Batys Qazaqstan oblysynda da birneshe sharamen atalyp ótti dep habarlaıdy Egemen.kz.

Tuńǵysh Prezıdent alańyndaǵy Memlekettik Tý tuǵyrynda, oblystyq perınataldyq ortalyq jáne oblystyq ákimdik ǵımaraty aldynda ótken sharada jınalǵan óńir basshylary, júrginshiler jáne dárigerler covid-19 qurbandaryn jáne osy indetpen kúreste qaza tapqan áriptesterin bir mınýt únsiz turyp eske aldy.

0

Nur-Sultan ýaqytymen dál 12 saǵatty soqqan sátte Batys Qazaqstan oblysynyń ákimi Ǵalı Esqalıev, oblystyq máslıhat hatshysy Málik Qulshar, oblys ákiminiń orynbasarlary Oral qalasyndaǵy Abaı alańyna qarsy tusta qaýipsiz araqashyqtyqty saqtap turyp, indet qurbandaryn eske aldy.

- Búgin búkil elimiz aza tutyp jatyr. Qaterli aýrýdan qaza tapqan otandastarymyzdy qaıǵyra eske alamyz. Árıne, osyndaı beıbit kezde eldiń berekesin alǵan pandemııa talaı azamatymyzdy aramyzdan julyp ketkeni kóńilimizge qaıaý túsiredi. Marqumdardyń qazasynyń arty qaıyrly bolsyn deımiz. Bizdiń endigi basty mindetimiz – qazir aýyryp jatqan qazaqstandyqtardyń jazylýyna jumylyp, dári-dármekpen, medısınalyq quraldarmen jabdyqtap, memlekettik deńgeıde kómek kórsetý. Vırýs juqtyrǵan otandastarymyz, ásirese osy indetpen kúreste alǵy shepte júrgen bizdiń dárigerlerimiz tezirek jazylyp ketýin tileımiz, - dedi oblystyq máslıhat hatshysy Málik Imanqululy.

11

Bul kúni Qazaqstan Musylmandary Dinı Basqarmasy Batys Qazaqstan oblysy boıynsha ókildigi oblystyq ortalyq meshitte "Quran-hatym" túsirip, saýabyn elimizde indet saldarynan marqum bolǵan qandastarymyzdyń rýhyna baǵyshtady. Osyndaı shara jergilikti pravoslav shirkeýinde de ótti.

Batys Qazaqstan oblystyq perınataldyq ortalyq aldynda únsiz sherý jasaǵan dárigerler jaqynda ǵana ómirden ótken ortalyq basshysy, joǵary dárejeli dáriger, elimizdiń densaýlyq saqtaý salasy úzdigi Nıkolaı Dmıtrıenkonyń sýretin ustap turdy.

2

Nıkolaı Borısuly sanaly ǵumyryn densaýlyq saqtaý salasyna, adamdardy aýrýdan emdep, ajaldan qutqarýǵa arnaǵan aıtýly maman edi. 1976 jyly Aqtóbe medısınalyq ınstıtýtyn bitirip, eńbekke aralasqannan beri Oral qalasyndaǵy perzenthanalarda eńbek etken. 44 jyl ómirin densaýlyq saqtaý salasyna arnaǵan dáriger sońǵy 15 jyldan beri Batys Qazaqstan oblystyq perınataldyq ortalyǵyn basqaryp, densaýlyǵynda aqaýy bar júkti kelinshekter men sábılerdiń ómirin qutqarýmen aınalysty. Áriptesteri Nıkolaı Dmıtrıenkony bilikti maman, sheber uıymdastyrýshy, ádil basshy retinde jaqsy kóretin.

Osyndaı shara Batys Qazaqstan oblystyq jedel medısınalyq járdem stansasynyń aldynda da ótti.

Resmı derek boıynsha covid-19 pandemııasynan Batys Qazaqstan oblysynda 22 adam qaıtys bolǵan. Al indet bastalǵaly óńirde 3086 adam jazylyp, qatarǵa qosylǵan.

 Batys Qazaqstan

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar