Aımaqtar • 14 Shilde, 2020

Shymkent qalasynda jedel járdem qyzmetine júginýshiler sany azaıǵan

31 ret kórsetildi

Shymkentte jedel járdem qyzmetine júginýshiler sany azaıǵan. Bul týraly qalalyq densaýlyq saqtaý basqarmasy málimdedi, dep jazady Egemen.kz

Osydan apta buryn bir kúnde turǵyndardan 2142 qońyraý kelip túsetin bolsa, qazir bul san 1839-dy qurap otyr. Jaz bastalǵaly qala halqynyń JRVI jáne pnevmonııamen kóp aýyrǵandyǵy baıqalǵan. Qalada jalpy epıdemıologııalyq ahýal qalypqa túse bastady deıdi ákimdiktegiler. Shahar aýmaǵynda barlyq 24 aýrýhanaǵa bir kúnde 1200 óttekti ballon qajet. Osyǵan qaraı qazirgi tańda Shymkent qalasynda óttegi óndiretin 5 mekememen kelisimshart jasalyp, ballondar aýrýhanalarǵa turaqty túrde jetkizilýde. Al dári-dármek boıynsha Reseı, Ýkraına, Túrkııa, О́zbekstan taǵy basqa elderdiń kompanııalarymen kelisý arqyly dári-dármekter qalaǵa jetkizilip jatyr. Al dərilerdiń baǵasyn turaqtandyrý úshin qurylǵan 4 monıtorıngtik top búginge deıin 50 zańbuzýshylyq faktisin anyqtaǵan. Sonymen qatar kelesi aptada Reseıden tájirıbe almasý úshin ári kómek berý úshin 5 maman, Túrkııa elinen 10 maman keledi dep kútilýde.

"Alǵashqy kezekte qalada ınfeksııalyq aýrýhanalar sanyn kóbeıttik. Buryn 490 tósek oryn bolatyn bolsa, oǵan qosymsha 160 tósek oryn ashylyp, 650-ge ulǵaıttyq. Odan keıin ekinshi provızorlyq stasıonarlar onda 1320 tósek oryn bolatyn bolsa, qazirgi kezde 3210 tósek orynyna deıin kóbeıttik",-deıdi qala ákiminiń birinshi orynbasary Erbol Sadyr.

 

Sońǵy jańalyqtar

Uqsas jańalyqtar