Qazaqstan • 14 Shilde, 2020

Aımaqtarǵa ystyq túsiretin jáne antıbakterıaldy preparattardyń bir aılyq qory jóneltildi

82 ret kórsetildi

Densaýlyq saqtaý mınıstri Alekseı Soı eldegi dári-dármek qoryn qamtamasyz etý úshin Úndistan men Reseıge ushaq jiberiletinin málim etti, dep jazady Egemen.kz

"Qazirgi ýaqytta halyqtyń zor suranysyna ıe bolyp otyrǵan dári-dármektiń 21 túrin óńirlerge jiberip otyrmyz. Jergilikti atqarýshy organdar dárihana jelilerine monıtorıng júrgizip, osy dári-dármek túrleriniń dárihanalarda bolýyn qamtamasyz etýi qajet", - dedi Alekseı Soı Úkimettiń otyrysynda.

Onyń aıtýynsha, eldegi dári-dármek qoryn tolyqtyrý úshin Reseıge eki, Úndistanǵa bir ushaq jiberilgen.

"Otandyq óndiristi qosa alǵanda osy kúnge deıin 2 mlrd teńgege 3,5 mıllıon qaptama dári-dármek jetkizildi. Aımaqtarǵa ystyq túsiretin jáne antıbakterıaldy preparattardyń bir aılyq qory jóneltildi. Preparattar teń dárejede bólinip, aımaqtarǵa jiberildi. Osy jyldyń 15 jáne 17 shildesinde Úndistanǵa taǵy eki ushaq, Reseıge taǵy bir ushaq jiberý kózdelip otyr. Dári-dármek qory kún saıyn baqylaýda bolady", - dedi ol.

 

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar