Statı qandaı da bir naqty nemese quqyqtyq negizdersiz ashylmaǵan baılanysty taraptar arasyndaǵy mámilelerge qatysqany týraly Respýblıkanyń pozısııasyn sot sheshimi rastaıdy. Bul tranzaksııalar Statımen shyǵyndardy arttyrý úshin paıdalanylyp, keıinirek Respýblıkadan tórelikte talap etildi. Sot Statı kompanııalary tólemderdi ózara zańdyq nemese faktilik negizsiz júzege asyrǵany týraly qorytyndyǵa keldi.
Alaıda, bul tólemder Respýblıka men Statı arasynda daý týyndaǵanǵa deıin júrgizilgendikten, sot gollandııalyq zańnama boıynsha sheshimdi tanýdan bas tartý úshin olar jetkiliksiz dep belgiledi.
Respýblıka sot dáleldemesiniń osy bóligimen kelispeıdi. Tórelik sot sheshim shyǵarǵan kezde Statı óziniń shyǵystary týraly kórineý jalǵan málimetter men falsıfıkasııalanǵan qarjylyq kórsetkishter usyndy jáne tórelik sot olarǵa súıendi. Sondyqtan, Respýblıka bul prosessýaldyq alaıaqtyqty aıqyn túrde bildiredi dep sanaıdy.
Iske qatysty Statı qarjylyq alaıaqtyǵyn naqty kórsetetin qarjylyq kórsetkishter týraly aqparat talqylaýdan alyp tastaldy. Máselen, ótken jyly KPMG halyqaralyq konsaltıngtik kompanııasy moldavandyq bıznesmender óz aýdıtorlaryna ádeıi usynǵan jalǵan qarjylyq aqparatqa baılanysty Qazaqstandaǵy Statı kompanııalaryna berilgen aýdıtorlyq esepterin qaıtaryp aldy. Bul rette gollandııalyq sotqa jáne Respýblıkaǵa talqylaý kezinde 2016-2019 jyldary aralyǵyndaǵy Statı men KPMG arasyndaǵy hat almasý týraly belgili bolǵan joq, ol tek 2019 jyldyń qazanynda (Amsterdamnyń apellıasııalyq sotynda ǵy tyńdaýdan úsh aı ótkennen keıin) anyqtaldy. Osy hat almasýda KPMG nelikten Statı KPMG-ge burmalanǵan málimetterdi usynǵany jáne Borankól ken ornynda aıaqtalmaǵan gaz óńdeý zaýytyn salýǵa jumsalǵan júzdegen mıllıon AQSh dollaryn quraıtyn shyǵyndardyń qanshalyqty zańdy bolǵany týraly suraqtardy kóterdi. Tórelik bastalǵanǵa deıin zaýytty salýdy toqtatqan Statı árdaıym osy mańyzdy dálel týraly bilgen.
Statı Qazaqstanǵa qarsy jasalǵan alaıaqtyqtyń aýqymyn jasyrý maqsatynda bul aqparatty gollandııalyq sottan jasyrdy.
Respýblıka sot sheshimine shaǵym jasaý múmkindikterin zerdeleýde.
