Bilim • 15 Shilde, 2020

​Oqý jylyna daıyndyq tııanaqtalyp qaldy

30 ret kórsetildi

Búgin Soltústik Qazaqstan oblystyq bilim basqarmasynyń bastyǵy Gúlmıra Raıymbekova jýrnalısterge brıfıng berip, bıylǵy oqý jylynyń erekshelikteri týraly aıtty.

​"Jańa oqý jylynyń bastalýy boıynsha daıyndyq jumystary qarqyndy júrip jatyr. Keshe ǵana Bilim jáne ǵylym mınıstri Ashat Aımaǵambetov osyǵan baılanysty sheshim shyǵaryp, halyqqa jarııalaǵan bolatyn. Endi sol sheshimge toqtala keteıin. Qazirgi tańdaǵy eń basty problema - oqýshylar men pedagogtardyń densaýlyqtarynyń qaýipsizdigi. Qazirgi ýaqytta ahýal qıyn, densaýlyq salasynyń málimetteri boıynsha jylda kúzde bolatyn ORVI, tumaý aýrýlary kóbeıedi. Sondyqtan qabyldanǵan sheshim: 1 qyrkúıekten bastap, barlyq mektepter qashyqtyqtan oqý formatymen oqıtyn bolady".

Buǵan oqýshylardan buryn ata-analardyń alańdaıtyny sózsiz. Sondyqtan sheneýnik bıylǵy qashyqtan oqytýdyń erekshelikterine toqtaldy. Onyń aıtýyna qaraǵanda birinshi qyrkúıekten bastalatyn alǵashqy toqsan tolyqtaı alystan oqytý formatynda júrgiziledi. Bul barlyq mektepterdiń 1-den 11 synybyna deıin qatysty.

Odan ári G.Raıymbekova qazir aptalyq monıtorıngter júrgizilýde ekenin aıtty. Osy arqyly biz qaýiptiń deńgeıin anyqtaıtyn bolamyz.

Byltyrǵy jyldyń tórtinshi toqsanyndaǵy tájirıbege qaraǵanda aýyldy jerlerde ornalasqan tolyq emes mektepterde oqý prosesin dástúrli túrde júrgizýge bolady. Qazir oblysta ondaı mektepterdiń sany 287, olar 14 myń balany qamtyǵan. Osyndaǵy oqýshylar sanıtarlyq qaýipsizdiktiń tórt satyly sharalarymen qorǵalady. Aldymen aıaqtaryn dezınfeksııalanǵan kilemshege súrtedi, ekinshiden ystyqtary tekseriledi, sondaı-aq massalyq rejim men sanıtaızerler qoldanylady.

Qalalyq jáne iri eldimekenderde alystan oqytýdyń erekshelikterin aıtqanda sheshen byltyr keıbir otbasylardyń kompıýterlermen qamtylmaǵanyn aýyzǵa aldy. Mundaı jaǵdaıda keıbir oqýshylar IT biliktilik tanytyp, aqparattardy ózderi taýyp otyrdy. Osy máseleni eskerip, biz jańadan 580 kompıýter satyp aldyq. Oqý jyly bastalǵansha únemdelgen qarajat esebinen taǵy da 200 mln teńgege 1 myńdaı kompıýter satyp almaqshymyz.

Jaz maýsymynda pedagogtar men ata-analardyń usynysy eskerilip, ınternet-tuǵyrnamany tıimdirek jumys istetý úshin baǵdalamalar jetildirildi. Qazirdiń ózinde jańartylǵan baǵdarlama 1-shi jáne 2-shi toqsanǵa daıyn. Sonymen birge byltyrǵydaı telesabaqtar TV-dan kórsetilý arqyly jalǵasatyn bolady.

Sóziniń sońynda G.Raıymbekova bıylǵy jylǵy birinshi synypqa qabyldaý ótinishi 1 tamyzǵa deıin qabyldanatynyn aıtty. Sonymen birge medısınalyq aqnyqtama balalardan talap etilmeıdi eken.

Sońǵy jańalyqtar

«Ýkaznoı molda»: Ol kim?

Rýhanııat • Búgin, 22:45

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar