Birjan Nurymbetovtiń aıtýynsha, áleýmettik tólem alýǵa ótinishti 42500.enbek.kz portaly, eGov elektron úkimet portaly, ózin-ózi jumyspen qamtyǵan jeke tulǵalar Telegram-bot arqyly bere alady.
Eńbek jáne halyqty áleýmettik qorǵaý mınıstri azamattardan bir ret qana ótinish berýdi surady.
"Portalǵa ótinishti bir ret qana berseńizder, ony 2-3 ret bermeýdi suraımyz jáne ár portalǵa bir-bir ótinish tastamańyzdar, onyń qajeti joq. Báribir ekinshi ótinish ótpeıdi. Mundaı áreketter portaldarǵa salmaq salýy múmkin jáne basqa azamattardyń ótinish berýine kedergi bolady. О́tken joly 18 mıllıon ótinish kelip, portaldarǵa salmaq túsken edi. Sondyqtan ótinishti bir ret qana tastańyzdar, qabyldandy dep habarlama keledi. Statýsyńyzdy ary qaraı 42500.enbek.kz-ten tekserip otyrasyz", – dedi Birjan Nurymbetov.
Mınıstr azamattardyń ótinish berý merzimine qatysty shekteý joq ekenin aıtty.
"Bul tólem shilde aıyna arnalady. Biraq ótinishti 1 qyrkúıekke deıin qabyldaı beremiz, portaldar jabylmaıdy", – dedi ol.
