Aımaqtar • 18 Shilde, 2020

Atyraýda karantın rejımi 3 tamyzǵa deıin uzartyldy

507 ret kórsetildi

Qaýipti indetti juqtyrýshylary kóbeıgen oblystyń bas memlekettik sanıtarlyq dárigeri  Sadýaqas Baıǵabylov qatań karantın rejımin 3 tamyzǵa deıin uzartý týraly qaýlyǵa qol qoıdy, - dep habarlaıdy Egemen.kz.

Bul qaýly 19 shildede  saǵat 00:00-de kúshine engeli otyr. Qaýlyda osy kezge deıingi qatań karantındik shekteýler saqtala beredi.  Atap aıtqanda, oblys aýmaǵynda burynǵysha  qalalar men eldi mekender arasynda avtobýs júrmeıdi.

Sonymen birge, Almaty qalasyna, Aqtóbe jáne Mańǵystaý oblysyna qatynaıtyn poıyzdar toqtatyldy. Al, turǵyndar men avtokóliktiń túngi  saǵat 23:00-den tańǵy 06:00-ge deıingi aralyqta júrýine bolmaıdy.  Osyndaı shekteý sharasy  senbi, jeksenbi jáne mereke kúnderi avtokólikter qatynasyna qoldanylady.

Turǵyndarǵa jumysqa baryp-kelýine, azyq-túlik pen dári-dármek alýǵa barýǵa ruqsat etiledi. Dárihanalar 8:00-den 22:00-ge deıin, azyq-túlik dúkenderi, shaǵyn jáne sýpermarketter saǵat 10:00-den 21:00-ge deıin,  jumys isteıdi. Azyq-túlik emes dúkenderge "úıge jetkizý" qaǵıdatymen jumys isteýge ruqsat berilip otyr.

Qatań karantın rejımi 3 tamyzda  saǵat 00:00-de aıaqtalady. 

Sońǵy jańalyqtar

Uqsas jańalyqtar