Taraz qalasynda 28 sımptomdyq jaǵdaı anyqtalsa, Sarysý aýdanynda 5, Qordaı jáne Jambyl aýdandarynda 4, Jýaly jáne Baızaq aýdanynda 2 jaǵdaıdan, al Talas aýdanynda 1 jaǵdaı tirkelgen. Barlyq naýqas jedel respıtarorlyq vırýstyq ınfeksııa belgileri boıynsha ózderi emhanaǵa júgingen eken.
Jalpy, óńirde qaýipti indetpen aýyrǵan naýqastardyń denin zeınetkerler qurap otyr. Sońǵy derek boıynsha oblysta barlyǵy 24 zeınetkerde sımptomdyq koronavırýs rastalǵan. Al, áli bir jasqa tolmaǵan baladan da koronavırýs indeti anyqtalyp otyr. Naýqastar juqpaly aýrýlar aýrýhanasyna jetkizildi.
Olarmen baılanysta bolǵan adamdar karantınge alynyp, oshaqtarda qorytyndy dezınfeksııa júrgizilgen. Jalpy, sońǵy jaǵdaı boıynsha Jambyl oblysynda 2896 koronavırýs ınfeksııasynyń deregi tirkelgen. Olardyń ishinde 1345 naýqas emdelip, dárigerlerdiń baqylaýyndaǵy úı karantınine shyǵarylǵan.
Jambyl oblysy
