Taǵaıyndaý • 20 Shilde, 2020

Baǵdat Mýsın Sıfrlyq damý birinshi vıse-mınıstri bolyp taǵaıyndaldy

61 ret kórsetildi

Premer-Mınıstr Asqar Mamın Sıfrlyq damý, ınnovasııalar jáne aeroǵarysh ónerkásibi mınıstrliginiń ujymyna Úkimettiń Qaýlysymen taǵaıyndalǵan birinshi vıse-mınıstr Baǵdat Mýsındi tanystyrdy, ol ýaqytsha mınıstr qyzmetin atqaratyn bolady.  Bul týraly Premer-Mınıstrdiń baspasóz qyzmetine silteme jasaı otyryp Egemen.kz habarlaıdy.

A.Mamın Memleket basshysy mınıstrliktiń aldyna memlekettik qyzmetter men ekonomıka salalaryn sıfrlandyrý jóninde naqty mindetter qoıǵanyn atap aıtty. Densaýlyq saqtaý jáne bilim berý salasyn sıfrlandyrý máselesine erekshe kóńil bólý qajet. Barlyq osy mańyzdy mindetterdi iske asyrý, ásirese, pandemııa kezinde zor mańyzǵa ıe. "Sıfrlyq Qazaqstan" baǵdarlamasy sheńberinde aýyldyq eldi mekenderdi sapaly ınternetpen qamtamasyz etý, Qazaqstannyń ınnovasııalyq ekojúıesin damytý qajet.

Mýsın Baǵdat Batyrbekuly 1983 jyly 3 naýryzda Pavlodar oblysynyń Ekibastuz qalasynda týǵan. Súleımen Demırel atyndaǵy ýnıversıtetti "ınjener-júıe tehnıgi" mamandyǵy boıynsha, Qazaq quqyqtaný jáne halyqaralyq qatynastar ınstıtýtyn "zańger" mamandyǵy boıynsha bitirgen. 

Eńbek jolyn ınjener-baǵdarlamashy bolyp bastady, Ádilet mınıstrliginiń "Respýblıkalyq quqyqtyq aqparat ortalyǵy" RMK AJ súıemeldeý bóliminiń basshysy, Ádilet mınıstrliginiń Ekonomıka jáne qarjy departamenti Aqparattyq tehnologııalar basqarmasynyń basshysyy bolyp jumys istedi, QR Baılanys jáne aqparat mınıstrliginiń qurylymynda basshylyq qyzmetterdi atqardy, "Ulttyq aqparattyq tehnologııalar" AQ, "Qazposhta" AQ, Bas prokýratýrasynyń Quqyqtyq statıstıka jáne arnaıy esepke alý komıtetin basqardy.

Aǵymdaǵy jyldyń naýryz aıynda Prezıdenttiń sıfrlandyrý jáne ınnovasııalyq tehnologııalar jónindegi keńesshisi bolyp taǵaıyndaldy.

Sońǵy jańalyqtar

Uqsas jańalyqtar