"Maqsat – azamattarymyzdyń ómiri men densaýlyǵyn saqtaý, azamattardy saqtaý. Bul eń bastysy. Biz qaı kezde de, basymyzǵa kún týǵanda birlesip, bir-birimizge kómektesetindigimizben maqtanamyz. Osylaı jasaǵanda ǵana biz barsha halyq bolyp koronavırýsty jeńe alamyz", - dedi Mıhaıl Jelnov.
О́z kezeginde qalalyq máslıhat depýtaty Qoblanbek Qojın túrli deńgeıdegi máslıhat depýtattarymen, jergilikti kásipkerlermen birlesip ýaqytsha gospıtaldarǵa 1,5 mln teńgege dári-dármek jetkizip berdi. Atap aıtqanda, ftorhmıologın, azıtromısın, parasetamol, aspırın, tromboass, kleksan sekildi dáriler berildi. "Nur Otan" partııasy kadrlyq rezervine qatysýshy Álııa Asqarova qaladaǵy úsh ýaqytsha gospıtalǵa 1000 lıtr aýyz sý jetkizip berdi.
Alaıda, partııalyqtardyń kómegi munymen bitken joq. Sondaı-aq, "Nur Otan"-nyń oblystyq partııalyq baqylaý komıssııasynyń músheleri sybaılas jemqorlyqqa qarsy kúres qyzmetiniń ókilderi jáne qoǵam belsendilerimen birge Reseı men Qytaıdan kelgen gýmanıtarlyq kómektiń bólinýine monıtorıng júrgizdi.
Aımaqqa toqylmaǵan matadan jasalǵan kıimder, úsh qabat qalyńdyqtaǵy medısınalyq maskalar, qorǵanys kózildirikteri men kombenızondar, hırýrgııalyq qolǵaptar, ınfraqyzyl termometrler jetkizildi. Olardyń arasynda koronavırýs indetin emdeýge arnalǵan 230 qorap reseılik «Koronavır» preparaty da bar. Bul dári COVID-19 indetiniń jeńil jáne ortasha aýyr jaǵdaıyn emdeýge arnalǵan.
"Pavlodar oblysyna bir naýqasqa 3,5 qoraptan eseptelip 230 qorap "Koronavır" preparaty bólindi. Gýmanıtarlyq kómektiń dárihanalarǵa taratylyp ketpeı, oblystaǵy 38 medısına mekemesine bólinýi partııa tarapynan qadaǵalaný qajet", - dep atap ótti "Nur Otan"-nyń partııalyq baqylaý komıssıasynyń jetekshisi Oleg Kostenko.
COVID-19 indetimen kúreske "Jas Otan" jastar qanatynyń belsendileri de óz úlesterin qosýda. Jas eriktiler ýaqytsha emdeý gospaıtaldarynyń qyzmetkerlerine "alǵys paketterin" jetkizip berýdi uıymdastyrdy. Volonterlar sebetterdi jemis-jıdekter, bal, qymyz, sháı, qurǵaq jemister, antıseptıkter jáne maskalarmen toltyrǵan.
