Qazaqstan • 22 Shilde, 2020

Elimizde 42 500 teńge 1,2 mln-nan astam adamǵa berildi

39 ret kórsetildi

1,2 mln-nan astam qazaqstandyq "42 500 teńge" birjolǵy tólemin aldy, dep habarlaıdy Egemen.kz Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

"22 shilde saǵat 9.00-degi jaǵdaı boıynsha shilde aıynda shekteý sharalaryn engizýge baılanysty tabysynan aıyrylǵan jaǵdaıda Memlekettik áleýmettik saqtandyrý qorynan eń tómengi jalaqy – 42 500 teńge mólsherinde birjolǵy tólem taǵaıyndaýǵa azamattardan 1 mln 730 myń ótinish qabyldandy. Tólem 1 mln 309 myń adamǵa taǵaıyndaldy. Aqshalaı qarajat 1 mln 122 myń qazaqstandyqqa aýdaryldy", delingen habarlamada.

1 mıllıon 730 myń ótinimniń ishinde:

– 782,87 myń adam proaktıvti formatta tólem taǵaıyndaýǵa kelisim berdi;

– 423 myń adam Egov.kz portaly jáne Telegram bot rqyly;

– 146,1 myń adam 42500.enbek.kz portaly arqyly;

– 378 myń adam ekinshi deńgeıdegi bankterdiń mobıldi qosymshacy men ınternet resýrsy arqyly ótinish bergen.

Azamattardyń sanattary bólinisinde: – 782,87 myń ótinish biryńǵaı jıyntyq tólem tóleýshilerden berildi (proaktıvti formatta); – 92,86 myń ótinishti jaldamaly qyzmetkerleri úshin jumys berýshiler berdi; – 854,4 myń ótinish azamattardyń basqa sanattarynan kelip tústi (jeke kásipkerler; jeke praktıkamen aınalysatyn adamdar; azamattyq-quqyqtyq sıpattaǵy sharttar boıynsha tabys alatyn jeke tulǵalar).

Esterińizge sala keteıik, Memleket basshysynyń tapsyrmasy boıynsha 2020 jyldyń shilde aıynda karantındik sharalardyń engizilýine baılanysty jumys istep jatqan qazaqstandyqtarǵa tabysy tolyq joǵalǵan jaǵdaıda bir eń tómengi jalaqy – 42 500 teńge mólsherinde birjolǵy tólem júzege asyrylatyn bolady.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar