Batys Qazaqstan oblysynda 2020 jyldyń alǵashqy jartyjyldyǵy ishinde sybaılas jemqorlyqtyń jaı-kúıi týraly esep bergen Qazaqstan Respýblıkasy Sybaılas jemqorlyqqa qarsy is-qımyl agenttiginiń Batys Qazaqstan oblysy boıynsha departamenti basshysynyń birinshi orynbasary Nurdáýlet Samet óńirde alty aı ishinde 98 qylmys tirkelgenin aıtty. Iаǵnı, mundaı qylmystar ótken jylǵy deńgeıden azaımaı otyr.
Tirkelgen sybaılas jemqorlyq qylmystardyń basym bóligi paraqorlyqpen baılanysty. Sondaı-aq urlyq pen alaıaqtyqqa qatysty 20 qylmys anyqtalǵan. Tergeý oryndary barlyǵy 120 sybaılas jemqorlyq qylmystyq isti qarap, onyń 66-syn sotqa joldady. Sybaılas jemqorlyq qylmystary úshin 21 tulǵa sottaldy. 2 adam bas bostandyǵynan aıyrylyp, 1 adamnyń bas bostandyǵy shekteldi. 18 tulǵaǵa jalpy somasy 27 mıllıon teńgeden artyq aıyppul salyndy. Tergeýi aıaqtalǵan qylmystyq ister boıynsha keltirilgen zııan jalpy mólsheri 612 mln. teńge bolsa, onyń 99,3%-y, ıaǵnı 607,7 mln. Teńgesi ótelgen.
"Memleket basshysy Qasym-Jomart Toqaev Úkimet pen quqyq qorǵaý organdaryna dárihanalarda ómirlik mańyzdy dári-dármekter baǵasynyń negizsiz kóterilý faktilerine jol bermeýdi tapsyrǵan bolatyn. Sybaılas jemqorlyqqa qarsy qyzmet oryndary osy baǵytta birqatar aýqymdy jumys atqardy. Atap aıtqanda, karantın kezinde óńirde farmasevtıkalyq qyzmettiń durys júzege asyrylýyn qamtamasyz etý maqsatynda oblystyq jáne aýdandyq deńgeılerde arnaıy monıtorıngtik toptar quryldy. Oltoptar oblys kóleminde 300-den astam dárihanaǵa monıtorıng júrgizdi", - deıdi Nurdáýlet Ilııasuly.
14 shilde kúni departamenttiń kezekshilik bólimine karantın kezinde Oral qalasynyń dárihanalarynda joq ıngavırın, seftrıakson, azıtrımısın syndy dárilik preparattardy zańsyz satyp júrgen azamat týraly aryz kelip túsken eken. Sol kúni-aq aqparat tekserilip, mamandar belgisiz azamattan 5 qorap ıngavırın, 5 qorap azıtrımısın jáne 38 ampýlaseftrıakson dárisin 66 830 teńgege satyp alǵan. Osylaısha aqparat dáleldendi. Alypsatar qolǵa túsip, oǵan Ákimshilik quqyq buzýshylyq Kodeksiniń birneshe baby boıynsha aıyp taǵylǵan.
"Qazirgi kezde alypsatarǵa lısenzııasyz qyzmet kórsetý baby boıynsha aıyppul salyndy. Al tirkelmegen preparattardy saýdaǵa salý baby boıynsha is sotta qaralýda", - deıdi departament basshysynyń orynbasary.
Memleket basshysynyń tapsyrmasyna sáıkes, covid-19 indetine oraı óńirge kelgen gýmanıtarlyq kómekti tutynýshyǵa kedergisiz jetkizý isi de Sybaılas jemqorlyqqa qarsy is-qımyl agenttiginiń jiti baqylanýynda.
Búginde Katardan, Dúnıejúzilik densaýlyq saqtaý uıymynan, Qytaıdan, Reseı Federasııasynan jáne О́zbekstannan gýmanıtarlyq kómek kelgen. Onyń ishinde "Koronavırýs" dárisi jáne jeke qorǵanys quraldary bar. Bul preparattar alypsatarlardyń qolyna túsip ketpeýi úshin árbir dári-dármek pen jeke qorǵanys quralyna "TEGIN.BQO. Gýmanıtarlyq kómek" degen mórtańba basylǵan. Bul gýmanıtarlyq kómek Sybaılas jemqorlyqqa qarsy qyzmetiniń oblystyq departamenti, "Halyqtyq baqylaý" komıteti jáne qoǵam ókilderi men eriktilerdiń qatysýymen oblystyq, qalalyq jáne aýdandyq aýrýhanalarǵa, provızorlyq stasıonarlarǵa bólinip jetkizilýde.
Sybaılas jemqorlyqqa qarsy qyzmet mekemesiniń málimdeýinshe, óńirde sybaılas jemqorlyq qylmysy ishki ister organdarynda, sonyń ishinde patrýldik polısııa batalonynda eń kóp tirkelgen. Ishki ister organdarynyń 9 qyzmetkeri, atap aıtqanda BQO polısııa departamenti patrýldik polısııa batalonynyń komandıri Myrzaǵalıev pen patrýldik polısııa ınspektory jol qozǵalysy erejelerin buzǵan júrgizýshilerden para alǵany úshin sottalyp, ártúrli mólsherde aıyppulǵa tartylǵan.
