Aımaqtar • 24 Shilde, 2020

Beınebaqylaý kameralarynyń kómegimen 48 219 quqyq buzýshylyq anyqtaldy

24 ret kórsetildi

Almaty oblysynda syrtqy beınebaqylaý kameralary 50 myńǵa jýyq quqyq buzýshylyqty tirkegen. Bul týraly Polisia.kz habarlaıdy, dep jazady Egemen.kz

Almaty oblysynyń tártip saqshylary alty aı ishinde syrtqy beınebaqylaý kameralarynyń kómegimen 48 219 quqyq buzýshylyqty anyqtaǵan. Tirkelgen tártip buzý deregi boıynsha ákimshilik hattamalar toltyrylyp, quqyq buzýshynyń mekenjaıyna joldandy.

– Oblystaǵy beınebaqylaý kameralary "Avtoýragan", "Krıs-P" jáne "Integra" júıelerinde jumys jasaıdy. Beınebaqylaý kameralarymen tirkelgen quqyq buzýshylyq avtomatty túrde óńdelip, oblystyq Ákimshilik polısııa qyzmetkerleri tarapynan quqyq buzýshyǵa ákimshilik aıyppuldy tóleý týraly habar beriledi nemese poshta jelisi arqyly mekenjaıyna hat joldanady, – dep túsindirdi oblystyq PD Ákimshilk polısııa basqarmasy bastyǵynyń orynbasary Nurjan Tańatarov.

Sonymen qatar, qazirgi ýaqytta jańa júıe negizinde aıyppul tóleýshige aqparatty polıseıler emes, poshta qyzmetkerleri jetkizedi. Biriktirilgen júıe boıynsha tártip buzýshylyq týraly aqparatty poshta qyzmetkerleri Ákimshilik polısııa basqarmasynan elektrondyq nusqada alady. Polıseılerdiń aqparaty boıynsha, Almaty oblysy aýmaǵynda 270 beınekamera jol jáne qoǵamdyq tártipti qamtamasyz etýde.

Beınekameralardyń táýlik boıy túsirgen jazbalary óńdelip, quqyq buzýshylyqtardy anyqtaýǵa jáne qylmystardy tezirek ashýǵa múmkindik beredi. Sondyqtan, polıseıler keleshekte zanamaýı talaptarǵa saı beınebaqylaý kameralaryn ornatýdy josparlaýda.

– Bıyl oblys turǵyndarynan 92 mıllıonǵa jýyq ákimshilik aıyppul óndirildi. Quqyq buzýshy qoldanystaǵy zańnamaǵa sáıkes aıyppul salynǵany týraly aqparatty alǵan kúnnen jeti kún ishinde aıyppuldyń jarty somasyn tóleı alady. Nemese, bir aı merzimde tolyq óteýi tıis. Ákimshilik aıyppul bir aı merzimde erikti túrde tólenbese, tártip saqshylary ony jeke sot oryndaýshylary arqyly májbúrli túrde óndirýge quqyly, – dep tolyqtyrdy Nurjan Tańatarov.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar