COVID–19 jáne pnevmonııa jaǵdaılary boıynsha derekterdiń barynsha ashyqtyǵyn qamtamasyz etý maqsatynda Qazaqstan Respýblıkasy Densaýlyq saqtaý mınıstrligi 18 shildeden bastap statıstıkalyq derekterdi esepke alý men qalyptastyrýdyń jańa tásilderin aıqyndady.
DDSU-nyń Eýropalyq aımaqtyq Bıýrosymen birqatar tehnıkalyq konsýltasııalardan keıin aýrýlardyń halyqaralyq jiktemesiniń jańa kodtary boıynsha COVID-19 jaǵdaılaryn kodtaýǵa jáne esepke alýǵa kóshý týraly sheshim qabyldandy. 2020 jyldyń 1 tamyzynan bastap COVID-19 zerthanalyq rastalǵan jaǵdaılary koronavırýs ınfeksııasynyń klınıkalyq jáne epıdemıologııalyq belgileri bar PTR testtiń teris nátıjesi, pnevmonııa jaǵdaılary eskeriledi.
Koronavırýs ınfeksııasy jáne pnevmonııany esepke alýdyń ózgertilgen tásilderi aýrýdyń durys boljamdaryn jasaýǵa, qajetti resýrstardy: medısınalyq kadrlardy, tósek-oryndaryn, medısınalyq jabdyqtardy, dárilik zattardy barabar josparlaýǵa, sondaı-aq statıstıkanyń ashyqtyǵyn qamtamasyz etýge múmkindik beredi. Bul bizdiń memleketimizdiń koronavırýstyq pandemııaǵa birlesip qarsy turýǵa jáne onyń saldaryn halyqaralyq qaýymdastyqpen tyǵyz baılanysta zertteýge daıyn ekendiginiń ashyq saıasatyn kórsetedi.
Qazaqstan Respýblıkanyń densaýlyq saqtaý mınıstrligi koronavırýstyq ınfeksııa boıynsha statıstıkalyq derekterdiń durystyǵyn qamtamasyz etý úshin kodtaý algorıtmi men aqparattyq júıelerge derekterdi engizý jónindegi nusqaýlyqty ázirledi, AHJ-10 jiktemesinde COVID-19 kodtaryn taǵaıyndaýǵa qatysty medısına qyzmetkerlerin oqytty.
Osylaısha, 2020 jyldyń 1 tamyzyndaǵy jaǵdaı boıynsha, COVID-19 zerthanalyq rastalǵan jaǵdaılardyń sany - 1226, sońǵy bir táýlikte 36 adam qaıtys boldy. Anyqtalmaǵan etıologııasy bar, biraq koronavırýstyq ınfeksııanyń klınıkalyq jáne epıdemıologııalyq belgileri tabylǵan pnevmonııamen aýyrǵandar sany – 5181. О́tken táýlikte pnevmonııa dıagnozymen 30 ólim jaǵdaıy tirkeldi.
