Búgingi tańda Jambyl oblysynda tólem jasaýǵa 174 myń 744 adam ótinish bergen. Oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Oljas Baqqaraevtyń aıtýynsha, ótinish bildirgenderdiń ishinde 163 myń 546 jambyldyq turǵyndarǵa memleket tarapynan 6,9 mıllıard teńge kóleminde kómek kórsetilgen. "Avtomatty túrde, ıaǵnı proaktıvti formatta, oblystyń 65 myń 127 turǵynyna tólem tólendi. Olardyń qatarynda shekteý sharalary saldarynan tabysynan aırylǵandar, aldyńǵy aılarda ótinish bildirgen jáne tólem alǵan adamdar da bar", deıdi Oljas Baqqaraev.
Sonymen qatar, oblystyń barlyq aýdanynda shtabtar jumys isteıdi. Olardyń quramynda jergilikti atqarýshy organdardyń, kásipkerler palatasynyń, kásipodaq pen ishki ister departamentiniń ókilderi de bar. Búginde shtabta kelip túsken 20 myń 342 ótinimniń ishinde 20 myń 030 ótinim qaralyp, komıssııa múshelerimen 16 myń 250 ótinish maquldanǵan. Al, 3780 ótinish qanaǵattandyrylmaǵan.
Jambyl oblysy
