Elorda • 04 Tamyz, 2020

Elordada áleýmettik turǵyn úı qurylysy bastaldy

38 ret kórsetildi

Qala ákimi Altaı Kólginov áleýmettik turǵyn úı keshenderiniń qurylysymen tanysty. Bul týraly elorda ákiminiń Instagram paraqshasyna silteme jasaı otyryp Egemen.kz habarlaıdy.

"Prıgorodnyı" eldi mekeninde 100 páterlik eki áleýmettik turǵyn úı kesheni salynyp jatyr. Búgin qurylys barysymen tanystym. Úılerdi bıyl tapsyramyz. Onyń janynda balabaqsha, mektep bar. Shaǵyn aýdanda qoǵamdyq kólik qatynaıtyn joldar salyndy. О́tken jyly eldi mekende 800 oryndyq mektep jáne "Aspan" sport kesheni ashyldy. Aýla alańdary abattandyryldy. Búgin "Prıgorodnyı" eldi-mekenindegi birqatar aýdandardy araladym. Turǵyndar jaryqtandyrý, káriz júıesi, joldardy jóndeý boıynsha birqatar máseleni kóterdi", deıdi A.Kólginov.

Elorda ákiminiń aıtýynsha, eki aýdanda eki iri aýla alańynyń qurylysy júrgizilip jatyr. Barlyq jastaǵy turǵyndardyń múddeleri eskeriledi: ashyq aýada demalý úshin de, tynysh ýaqyt ótkizý úshin de alańdar bolady. Sonymen birge jaryqtandyrý, jol salý, káriz máselelerin sheshý jáne t.b. boıynsha jumystar júrgizilip jatyr. Qalada barlyǵy 280 myń adam turatyn 16 eldi meken bar ekenin qosa ketti.

"Bul — elorda halqynyń tórtten bir bóligi. Memleket basshysynyń tapsyrmasyna sáıkes barlyq eldi-mekenderdi damytý boıynsha júıeli jumys júrgizip jatyrmyz. Árqaısysy boıynsha qadamdyq is-sharalar jospary ázirlendi. Mektepter, medısınalyq ortalyqtar, áleýmettik turǵyn úıler, dene shynyqtyrý-saýyqtyrý keshenderi, joldar, kanalızasııalar jáne t.b. salynady", dep jazdy Altaı Kólginov.

Sońǵy jańalyqtar

Uqsas jańalyqtar