Aımaqtar • 04 Tamyz, 2020

Polıseıler karantın rejımin buzǵan 18 nysandy anyqtady

19 ret kórsetildi

Materıaldar is júrgizý sheshimin qabyldaý úshin taýarlar men kórsetilgen qyzmetterdiń sapasy men qaýipsizdigin baqylaý basqarmasyna jiberildi, dep habarlaıdy elorda ákimdiginiń resmı saıty.

О́tken táýlikte Nur-Sultanda karantın rejımin buzǵan 18 kásipkerlik sýbekt anyqtaldy. Olardyń arasynda oıyn-saýyq, saýnalar, dúkender, loto-klýb, kalıan-bar jáne kólik jýý oryndary bar. 3 tamyzda saǵat 24:00 shamasynda Saraıshyq kóshesinde loto-klýb jumys istegen. Oıyn mekemesinde karantın sharalaryna qaramastan, kelýshiler utys tikken.

Sondaı-aq mobıldi top túngi ýaqytta Erkókshe kóshesindegi saýnada karantın rejıminiń talaptaryn elemeı, bos ýaqytyn ótkizgen alty adamdy anyqtady. Sol túni Abylaı han kóshesinde kólik jýý qyzmeti jumys istegen. Ákimshi jumys ornynda bola otyryp, mashınalarǵa qyzmet kórsetýge ruqsat bergen. Sonymen qatar tamaqtaný oryndary da tekserildi. Túngi ýaqytta jumys istegen jáne azamattardy qabyldaǵan eki kafe anyqtaldy. Kelýshiler sanıtarlyq-epıdemıologııalyq normalardy buzyp, ózderine jáne jaqyndaryna vırýs juqtyrý qaýpin tóndirdi.

"Jınalǵan barlyq materıaldar is júrgizý sheshimin qabyldaý úshin taýarlar men kórsetilgen qyzmetterdiń sapasy men qaýipsizdigin baqylaý basqarmasyna jiberildi. Polısııa, epıdemıologtar, eriktiler, jergilikti atqarýshy organ ókilderinen quralǵan mobıldi toptar karantın rejımin buzǵandardy anyqtaýdy jalǵastyrýda. Tekserý barysynda polıseıler oıyn-saýyq oryndaryna, qoǵamdyq tamaqtaný nysandaryna, saýnalarǵa, monshalarǵa kirip, ıelerine qazirgi karantın sharalary týraly eskertedi, sondaı-aq zań buzýshylyq faktilerin anyqtaıdy", - delingen habarlamada. Nur-Sultan polısııa departamenti azamattarǵa karantın sharalaryn buzǵany úshin jaýapqa tartylatyny týraly eskertedi jáne sanıtarlyq normalardy saqtaýǵa shaqyrady.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar