QHR tóraǵasynyń aıtýynsha, elde jyl saıyn bıdaı óndirý kólemi artyp keledi. Biraq soǵan qaramastan eldegi azyq-túlik qaýipsizdigin árkez basty nazarda ustaǵan jón. Ásirese qazirgideı sátte azyq-túlikti tıimdi paıdalaný asa mańyzdy. О́ıtkeni osy jylǵy koronavırýs pandemııasy eldiń azyq-túlik qaýipsizdigine óz áserin tıgizgen-di. Osy oraıda Sı Szınpın azyq-túlikke qatysty baqylaýdy kúsheıtip, tıimdi sharalar qoldaný kerektigin aıtady.
"Azyq-túlikti beı-bereket paıdalanýǵa jol bermes úshin onyń aldyn alý qajet. Osy máselede nasıhatty kúsheıtý kerek", - deıdi Sı Szınpın.
Sınhýa agenttiginiń málimetine súıensek, QHR tóraǵasy únemi eldiń azyq-túlik qaýipsizdigine basa mán beredi. Ol osyǵan deıin de tamaq qaldyqtaryn azaıtýǵa, únemdeýge shaqyrǵan.
