Maskalar biregeı patenttelgen ýltradybystyq tehnologııa boıynsha Nazarbaev Ýnıversıteti janyndaǵy tehnoparkte shyǵarylady. Shyǵarylǵan maskalar 99,99% bakterııalardy jáne 98,89% vırýstardy joıýǵa kepildik beredi. Aıta ketý kerek, bul álemniń ártúrli iri ǵylymı-zertteý ortalyqtarynyń zerthanalyq zertteýlerimen rastalǵan.
Sonymen qatar, maskalar halyqaralyq standarttarǵa sáıkes keledi.
О́ndirýshilerdiń aıtýynsha, maskanyń qyzmet etý merzimi 1 jyl jáne 100 jýý sıklinen keıin de óziniń qasıetterin joǵaltpaıdy. Pandemııa kezinde "Qamqor Tech" kompanııasy ozyq jáne biregeı tehnologııany qoldana otyryp, júzdegen adamdardyń ómirin qutqarý úshin COVID-19 kúresine qatysýǵa sheshim qabyldady.
Búgingi tańda ızraıldik "Sonovia" kompanııasynyń ónimderi Eýropa men AQSh naryqtaryn qamtıdy, óz kezeginde "Sonomask" vırýsqa qarsy maskalary TMD jáne Ońtústik-Shyǵys Azııa naryqtarynda qazaqstandyq "Qamqor Tech" kompanııasynyń brendimen usynylatyn bolady.
"Búgingi tańda ınvestısııa somasy 140 mıllıon teńgeden asady jáne aldaǵy ýaqytta óndiristi jańǵyrtý, sondaı - aq óndiriletin ónimniń ataýyn keńeıtý aıasynda kóptegen jumystar atqarylady", - dep habarlady kompanııadan.
Sondaı-aq, gýmanıtarlyq kómek aıasynda ızraıldik "Sonovia" Ltd kompanııasy COVID-19-men kúreste alǵy shepte júrgen dárigerlerge qorǵanys maskalaryn tapsyrdy. Sonymen birge, vırýsqa qarsy maskalar Ulttyq ǵylymı kardıohırýrgııalyq ortalyqqa jáne Nur-Sultan qalasy Densaýlyq saqtaý basqarmasynyń basshysy Tımýr Muratovtyń qatysýymen 1-shi qalalyq aýrýhanaǵa berildi.
