Densaýlyq saqtaý mınıstrliginiń ókilderi jáne bas memlekettik dáriger epıdemıologııalyq jaǵdaıdy turaqtandyrý kórsetkishteri jáne kúsheıtilgen sanıtarlyq-dezınfeksııalyq rejımde karantın sharalaryn jeńildetýdiń yqtımal joldary týraly baıandady. Sonymen qatar aýrýdyń ósýine jol bermeý maqsatynda óńirlerdiń jumysyn baqylaý úshin birqatar jańa ındıkatorlar usynyldy.
E. Toǵjanov Densaýlyq saqtaý mınıstrligi men óńirlerdiń basshylaryna epıdemıologııalyq jaǵdaıdy qatań baqylaýda ustaýdy jáne syrqattanýshylyq kórsetkishin odan ári tómendetýdi qamtamasyz etýdi tapsyrdy. Sondaı-aq, vıse-premer óńir basshylaryna COVID-19-pen kúresýde zardap shekken medısına qyzmetkerlerine ótemaqynyń ýaqtyly tólenbeýi týraly ár fakti boıynsha sharalar qabyldaýdy tapsyrdy.
"О́ńirler monıtorıngtik toptardyń jumysynyń tıimdiligin arttyrýy kerek. Qajettinshe, jaǵdaıdy odan ári jaqsartý úshin vedomstvolar men jergilikti bılik jelisi boıynsha qosymsha sharalardy pysyqtaý kerek. Turǵyndarmen aldyn alý jumystaryna, birinshi kezekte, maska rejımin jáne áleýmettik qashyqtyqty saqtaýǵa erekshe kúsh-jiger jumsaý qajet", - dep atap ótti E. Toǵjanov.
