Esirtkiniń zańdy aınalymy salasynda quqyq buzýshylyqtardy anyqtaýǵa baǵyttalǵan shara barysynda Qyzylorda oblysy Polısııa departamenti Esirtki qylmysyna qarsy is-qımyl basqarmasy qyzmetkerleri esirtki quraldarynyń, psıhotropty zattardyń jáne prekýrsorlardyń zańdy aınalymy salasyndaǵy qyzmetti júzege asyratyn dárihanalar men qoımalarǵa tekserý jumystary júrgizildi.
Jedel-profılaktıkalyq is-sharanyń 5 kúninde 13 quqyq buzýshylyq anyqtaldy.
Oblys kóleminde ornalasqan esirtki quraldary, psıhotroptyq zattar men prekýrsorlarynyń zańdy aınalymyna baılanysty 77 dárihana, 19 emdeý orny, 28 qoımanyń saqtalýy, tehnıkalyq nyǵaıtylý jaǵdaıy tekserildi. Tekserý barysynda Qazaqstan Respýblıkasy ÁQBtK-niń 426-babynda kózdelgen ákimshilik quqyq buzýshylyqtardyń 4 jáne Qazaqstan Respýblıkasy ÁQBtK-niń 427-babynda kózdelgen ákimshilik quqyq buzýshylyqtardyń 4 deregi anyqtaldy.
Qazaqstan Respýblıkasy QK-niń 303-babynda kózdelgen teris qylyqtardyń 1 deregi, ıaǵnı esirtki quraldarynyń, psıhotroptyq zattar men prekýrsorlardyń saqtaıtyn bólmeniń talaptarynyń buzylǵandyǵy belgili boldy. Bul derek boıynsha tergep-tekserý jumystary júrgizilýde.
