Almatyda jyl saıyn JRVI men tumaý bastalǵan kezde "táýekel toptarǵa" ekpe jasalady. Olar – medısına qyzmetkerleri, medısınalyq uıymdarda dıspanserlik esepterde turatyn balalar, alty aıdan asqan jıi aýyratyn balalar, jetimder úıindegi balalar, qarttar úıindegiler men múgedekter, medısınalyq-áleýmettik mekemeler qyzmetterin qoldanýshylar, júktiliktiń ekinshi nemese úshinshi trımestrindegi júkti áıelder jáne epıdemıologııalyq kórsetkishteri bar naýqastar.
Bıylǵy jyly jergilikti bıýdjet qarjysy esebinen tumaýǵa qarsy 130 myń dozalyq ekpe satyp alý josparlanǵan. Ekpe qyrkúıek aıynda jetkiziledi dep kútilýde. Táýekel tobyndaǵylarǵa turǵylyqty jerlerindegi aýmaqtyq emhanalarda ekpe tegin jasalady.
"KVI syrqaty boıynsha epıdemııalyq ahýaldy eskere otyryp, táýekel tobyndaǵy jandardy tolyq qamtý úshin JRVI men tumaýǵa qarsy 300 myń dozalyq ekpeni qosymsha satyp alý týraly sheshim qabyldandy", dep habarlady B.Saǵyntaev jáne turǵyndarǵa ekpege qatysty kózqarasty ózgertý kerektigin atap ótti. Bul syrqattarǵa qarsy pármendi tetik bolyp tabylady.
Tumaý vırýsy jyl saıyn ózgeriske ushyraıdy, sondyqtan epıdemııalyq maýsym aldynda – qazan jáne qarasha aılarynda tumaýǵa qarsy ekpeni alý qajet. Ekpeden soń ımmýnıtet 14 kúnnen keıin qalyptasady jáne maýsym boıyna, 1 jylǵa deıin saqtalady.
