Bıylǵy Italııanyń A serııasyn úshinshi orynmen aıaqtaǵan «Atalanta» Chempıondar lıgasynda basty sensasııa jasaǵan komandalardyń biri. Toptyq kezeńiniń alǵashqy tórt oıynynda nebári bir upaı jınaǵan ujym sońǵy eki kezdesýde baryn salyp toptan ekinshi oryn aldy. Pleı-off joldamasyna ıe bolǵannan keıin toqtap qalmaı, 1/8 fınalda ataqty «Valensııany» artta qaldyrdy.
Tomas Týhel jattyqtyratyn PSJ Fransııa chempıonaty merziminen buryn aıaqtalyp, barlyq oıyndy oınamasa da ishki birinshiliktiń jeńimpazy atandy. Al 2020/2021 maýsym jyly bastala salysymen «Parı Sen-Jermen» Fransııa kýbogyn, Lıga kýbogyn basyna kóterdi. Aqpan aıynan beri jeńilis degendi bilmeıtin parıjdikter Chempıondar lıgasynyń toptyq kezeńinde qarsylastar qaqpasyna 17 gol soqqan. 1/8 fınalda Dortmýndtyń «Borýssııa» komandasyn jolda qaldyrdy.
Derekter:
– «Atalanta» Chempıondar lıgasy aıasyndaǵy sońǵy tórt oıynyn jeńispen aıaqtady;
– «Atalanta» eýrokýbok oıyndary aıasynda syrt alańda ótkizgen 15 oıynnyń tórteýinde jeńilgen;
– «Atalanta» eýrokýbok oıyndary pleı-off kezeńinde toǵyz ret jeńiske jetip, altaýynda jeńilgen;
– PSJ Chempıondar lıgasy aıasynda ótkizgen 15 oıynnyń 10-yn jeńip, 3 oıyndy teń nátıjemen aıaqtady. 2 oıynda jeńilis tapty;
– PSJ Chempıondar lıgasy aıasynda qatarynan ótkizgen 32 oıynnyń barlyǵynda gol soǵyp keledi;
– PSJ Chempıondar lıgasy ¼ fınalynda 1 ret jeńiske jetip, 5 ret jeńilgen.
Dál qazir Neımar áriptesteri naǵyz babynda desek te artyq aıtqanymyz emes. Boljamymyz boıynsha jartylaı fınalǵa PSJ birinshi bolyp joldama alady.
