Shırek fınalda parıjdikter Italııanyń «Atalanta» klýbynan 2:1 esebimen basym tústi. Jankúıerlersiz ótken matchta PSJ sapynan Markınos (90 mın.), Shýpo-Motın (90+3 mın.) gol soqsa, «Atalantadan» Pashalıch (27 mın) esepti alǵash bolyp ashqan edi.
Bul keshte Egemen.kz-tiń aıtqany dál keldi. Oıyn aldynda biz PSJ men «Atalanta» arasyndaǵy kezdesýde kimniń favorıt ekenin aıtqan edik. «Dál qazir Neımar áriptesteri naǵyz babynda desek te artyq aıtqanymyz emes. Boljamymyz boıynsha jartylaı fınalǵa PSJ birinshi bolyp joldama alady» (egemen.kz/tag/sport).
PSJ jartylaı fınalda RB Leıpsıg/«Atletıko» myqtysymen kezdesedi.
Oıyn statıstıkasy:
«Atalanta» – PSJ
Dopty ıelik etý – 39% – 61%; soqqy – 9:16; dál soqqy – 4:6; buryshtama – 4:3; ofsaıd – 2:0; sary qaǵaz – 6:3; oıynshy almastyrý – 5:5.
«Atalanta»: qaqpashy – Sportell; qorǵaýshylar – Djımsıtı (Polomıno), Kaldara, Toloı; jartylaı qorǵaýshylar – Gosens (Kastan), Froıler, De Ron, Hatebýr, Gomes (k) (Malınovskıı), Pashalıch (Mıýrıel); shabýylshy – Sapata (Da Rıva).
PSJ»: qaqpashy – Navas (Rıko); qorǵaýshylar – Kerer, Sılva (k), Kımpembe, Bernat; jartylaı qorǵaýshylar – Errera (Draksler), Markınos, Gýıe (Paredes); shabýylshylar – Sarabııa (Mbappe), Ikardı (Shýpo-Motın), Neımar.
