Bıylǵy álem chempıonaty Shveısarııanyń Eıgl-Martını aýmaǵynda 20-27 qyrkúıek kúnderi ótýi tıis edi. Shveısarııa úkimeti koronavırýs pandemııasynyń órshýine baılanysty 2020 jyldyń 30 qyrkúıegine deıin 1000 adamǵa deın qatysatyn dodalardy elge ótkizýge tyıym salǵan. Osyǵan oraı, jyldyń mańyzdy dodasy Shveısarııada ótkizilmeıtin boldy.
Uıymdastyrýshylardyń habarlaýynsha, álem birinshiligine 90 elden 1200 veloshabandoz qatysady dep josparlanǵan. Halyqaralyq velosıpedshiler odaǵy (UCI) 2020 jylǵy álem birinshiligin qabyldaıtyn eldi jaqyn arada habarlaıtynyn aıtty. Sondaı-aq jarysty ótkizý quqyǵy Eýropa elderiniń birine beriledi.
