Aımaqtar • 14 Tamyz, 2020

Jambyldaǵy sport kesheni Jaqsylyq atymen atalady

1046 ret

kórsetildi

1 mın

oqý úshin

Jaqsylyq Úshkempirov - qazaq sportyndaǵy áıgili esimniń biri. 1980 jyly Máskeý Olımpıadasynda top jarǵan oǵlan ulttyń maqtanyshyna aınaldy. Al, qazaq kúresine den qoıǵan qazaq balalary da Jaqsylyqtyń erligine súısinip, onyń sport salasyndaǵy bıik jetistigin qurmettegeni anyq.

Hamıt ESAMAN

Jambyldaǵy sport kesheni Jaqsylyq atymen atalady

Jýyrda ǵana ómirden ótken Qazaqstannyń Eńbek Eri, dańqty balýan Jaqsylyq Úshkempirov esimi eshqashan umytylmaıdy. Osy ýaqytqa deıin Taraz qalasyndaǵy "Taraz-Arena" sport keshenin Jaqsylyq Úshkempirov esimimen ataý usynylǵan bolatyn. Jambyl oblysynyń ákimdigi men máslıhatynyń birlesken usynysy máslıhat otyrysynda maquldandy. Oblys ákimi Berdibek Saparbaev Jaqsylyq Úshkempirovtiń qazaq sportyndaǵy qaıtalanbas tulǵa, birtýar azamat ekenin atap ótti. Sondaı-aq, otandyq kúres mektebiniń qalyptasýy men damýyna da qosqan úlesin aıta kelip, atalǵan bastamany qoldaǵany úshin depýtattarǵa alǵys bildirdi. Al, qaıta ataý týraly usynys respýblıkalyq onomastıkalyq komıssııanyń qaraýyna jiberiletin boldy.

Aıta keteıik, Jaqsylyq Úshkempirov 1951 jyly 6 mamyr kúni Jambyl oblysy, búgingi Baızaq aýdany, Tegistik aýylynda dúnıege kelgen.

Jambyl oblysy