Taýarlar men kórsetiletin qyzmetterdiń sapasy men qaýipsizdigin baqylaý komıtetiniń quramynda 224 aýdandyq basqarmasy bar 18 aýmaqtyq departamentiniń mamandary kólikpen qamtamasyz etildi.
Mysaly, 29 kólik Almaty oblysynyń aýdandyq basqarmalary arasynda bólinip berildi. Kegen, Aqsý, Qaratal, Balqash sııaqty shalǵaıdaǵy óńirler mamandandyrylǵan avtokólikpen qamtamasyz etildi. 7 mamandandyrylǵan mashına Batys Qazaqstan oblysyna jetkizildi.
Pandemııamen kúresýden basqa, bul avtokólik ınfeksııalyq aýrýlardyń basqa da qaýipti epıdemıologııalyq oshaqtaryn ýaqtyly tekserýde taptyrmaıtyn qural. Aıta keteıik, Qazaqstannyń aýmaǵynda asa qaýipti ınfeksııalar – oba, týlıaremııa, gemorragııalyq qyzba (KQGQ, BGQ), sibir jarasy jáne basqa da zoonozdyq ınfeksııalardyń belsendi tabıǵı oshaqtary bar. Kóbinese, monıtorıngileý radıýsy 300 shaqyrymnan asady.
Búgingi kúnge deıin sanıtarııalyq-epıdemıologııalyq qyzmettiń kólik parkiniń tozýy 90% qurady, ishinara jóndeý 10 jyldan astam ýaqyt buryn júrgizilgen.
