LC Waikiki kompanııasynyń ókilderiniń aıtýynsha, sońǵy kezde Qazaqstanda ulttyq naqyshtaǵy kıimderge, qazaqtyń oıý-órnekteri beınelengen jeıdelerge suranys artqan. Sondaı-aq Abaıdyń qara sózderi men uly oıshyldyń sýreti salynǵan fýtbolkalarǵa da qyzyǵýshylyq joǵary.
«2020 jyl Qazaq halqynyń uly aqyny, fılosofy, ári aǵartýshysy Abaı Qunanbaıulynyń qurmetine oraı «Abaı jyly» bolyp jarııalandy. LC Waikiki kompanııasy retinde osyndaı erekshe jylda halyqtyń sanasyn jańǵyrtýǵa baǵyttalǵan jobalarǵa biz de óz úlesimizdi qosqymyz keldi. Osy ispettes is-sharalardy árdaıym qoldaıtynymyzdy atap ótkimiz keledi, - dedi «LC Waikiki Kazakhstan» kompanııasynyń bas dırektory Serdar Bashak.
«Abaı 175» fýtbolkalar kolleksııasy LC Waikiki men «Rýhanı jańǵyrý» qazaqstandyq qoǵamdyq damý ınstıtýtynyń arasyndaǵy memorandýmnyń nátıjesinde júzege asty.
Abaıdyń sýreti beınelengen fýtbolkalardy LC Waikiki onlaın dúkeni arqyly tapsyrys berýge bolady. Sondaı-aq saýda ortalyqtary ashylǵan soń LC Waikiki jelisiniń elimizdegi barlyq dúkenderinde satylymǵa shyǵady.
Esterińizge sala keteıik, qazaqstandyqtar tuńǵysh ret 10 tamyzda Abaı kúnin atap ótken bolatyn. Pandemııaǵa baılanysty barlyq sharalar onlaın formatta ótti. Degenmen bul halyqtyń Uly oıshyldyń asyl urasyna qurmet kórsetip, Abaıdyń qara sózderine jańasha kózqaraspen qaraýyna kedergi bola almady.
