Elbasy • 17 Tamyz, 2020

Elbasy Baýyrjan Baıbekti qabyldady

310 ret kórsetildi

Kezdesý barysynda Elbasy partııaishilik irikteý – praımerızderdi sapaly ótkizýdiń erekshe mańyzdylyǵyn atap ótti. Bul týraly Elbasy.kz-ke silteme jasaı otyryp Egemen.kz habarlaıdy.

– Praımerızderdiń sapaly ótkizilýin qamtamasyz etý, sondaı-aq halyqty onyń maqsattarymen habardar etý óte mańyzdy. Bul bizge Májilis pen máslıhat saılaýyna qatysý úshin partııanyń belsendi, saýatty jáne patrıot múshelerin anyqtaýǵa múmkindik beredi, – dedi Nur Otan partııasynyń Tóraǵasy.

Baýyrjan Baıbek Nursultan Nazarbaevqa partııaishilik irikteýdi uıymdastyrý boıynsha daıyndyq jumystarynyń qorytyndylary týraly baıandap berdi.

– Búgin elimizdiń barlyq aımaǵynda praımerız bastaldy. Oǵan qatysý úshin partııaǵa jergilikti jerlerden 700-den astam qoǵamdyq pikir kóshbasshysy kirdi, – dedi Nur Otan partııasy Tóraǵasynyń birinshi orynbasary.

Budan basqa, B.Baıbek Nur Otan partııasynyń tóraǵasyna saılaýaldy baǵdarlamany ázirleý barysy jáne "Birgemiz" qorynyń eldegi áleýmettik osal toptaǵy azamattar men medısınalyq uıymdardyń qyzmetkerlerin qoldaý jónindegi jumysy týraly aıtyp berdi. Elbasy sondaı-aq Túrkistan oblysy, Maqtaaral aýdany, Dostyq aýylynyń sý tasqynynan zardap shekken turǵyndary úshin úı salý jumystarynyń nátıjeleri týraly habardar etti.

– Nur Otan-ǵa onlaın-ótinishter bes esege artty. Osylaısha, jeti aıda 270 myń adam júgindi. О́tinishterdiń 60%-y qaralyp, kóbi sheshimin tapty. Siz bastamashylyq etken "Birgemiz" qory aıasynda 2,3 mln qazaqstandyq qoldaý tapty. Maqtaaral aýdanyndaǵy sý tasqynynan zardap shekken aýyl turǵyndaryna arnalǵan 20 úıdiń qurylysy aıaqtalyp qaldy, – dedi Nur Otan partııasy Tóraǵasynyń birinshi orynbasary.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar